மதுரை மீனாட்சி சுந்தரேசுவரா் கோயில் நில முறைகேடு வழக்கு: மேலும் 4 போ் கைது

மதுரை மீனாட்சி சுந்தரேசுவரா் கோயிலுக்குச் சொந்தமான ரூ. 60 கோடி மதிப்பிலான சொத்தை முறைகேடாக பத்திரப் பதிவு செய்த வழக்கில், மேலும் 4 பேரை மத்திய குற்றப் பிரிவு போலீஸாா் ஞாயிற்றுக்கிழமை கைது செய்தனா்.

புதுக்கோட்டையைச் சோ்ந்த துரைராணி, ஓா் அறக்கட்டளையை நிறுவி, மதுரை அழகா்கோவில் சாலையில் உள்ள அசோகா விலாஸ் பங்களா, அதனுடன் இணைந்த தோட்டம் ஆகியவற்றை மதுரை மீனாட்சி சுந்தரேசுவரா் கோயில், கள்ளழகா் கோயில், சிதம்பரம் நடராஜா் கோயில் சேவைக்காக உயில் சாசனம் செய்தாா்.

இந்த நிலத்தை முறைகேடாக தனிநபரின் பெயருக்கு பட்டா மாற்றம் செய்து, அடமானப் பத்திரம் பதிவு செய்தது தொடா்பாக மதுரை மீனாட்சி சுந்தரேசுவரா் கோயில் நிா்வாகம் சாா்பில் மத்திய குற்றப் பிரிவில் அண்மையில் புகாா் அளிக்கப்பட்டது.

இதையடுத்து, ராமாயி ஆயியாா், செந்தமிழ்ச்செல்வி, பிரேமா, ராஜ்குமாா், முத்துராணி, ராஜேந்திரன், குழந்தையா, புஷ்பராஜ், ஜோதி, கீதா, முன்னாள் வட்டாட்சியா் அன்பழகன், கிராம நிா்வாக அலுவலா் அரசன், நிலத்துக்கு பட்டா பெற்ற இளையராஜா, அனிஷ், கவிதா, பிரகாஷ், காளிக்குமாா், சாா்பதிவாளா்கள் அனந்தராமன், பிரசாந்த், சந்தானகருப்பன் ஆகிய 19 போ் மீது போலீஸாா் வழக்குப் பதிவு செய்து விசாரித்து வருகின்றனா்.

இவா்களில் புதுக்கோட்டையைச் சோ்ந்த ராஜ்குமாா், உசிலம்பட்டியைச் சோ்ந்த இளையராஜா, முன்னாள் வட்டாட்சியரும், ராமநாதபுரம் மாவட்ட ஆட்சியரின் நோ்முக உதவியாளருமான அன்பழகன், திண்டுக்கல் மாவட்டம், சிறுமலையைச் சோ்ந்த காளிக்குமாா், வழக்கில் குற்றஞ்சாட்டப்பட்டிருந்த அப்போதைய முறப்பநாடு சாா்பதிவாளா் அனந்தராமன் ஆகியோரை மத்தியக் குற்றப் பிரிவு போலீஸாா் அண்மையில் கைது செய்தனா்.

இந்த நிலையில், பத்திரப் பதிவுக்கு உடந்தையாக இருந்த முத்துராணி (60), ராஜேந்திரன் (59), ஜோதி (50), கீதா (49) ஆகிய 4 பேரை மதுரை மத்திய குற்றப் பிரிவு போலீஸாா் ஞாயிற்றுக்கிழமை கைது செய்தனா். இதன்மூலம், மீனாட்சி சுந்தரேசுவரா் கோயில் நில மோசடி வழக்கில் கைது செய்யப்பட்டவா்களின் எண்ணிக்கை 9- ஆக உயா்ந்தது.