முன்னாள் அமைச்சரின் நிலம் போலி ஆவணம் மூலம் மாற்றம்: விஏஓ பணியிடை நீக்கம்

தொண்டி அருகே முன்னாள் அமைச்சருக்கு சொந்தமான நிலத்தை போலி ஆவணங்கள் மூலம் வேறொருவருக்கு பட்டா மாறுதல் செய்ததாக கிராம நிா்வாக அலுவலா் வியாழக்கிழமை பணியிடை நீக்கம் செய்யப்பட்டாா்.

ராமநாதபுரம் மாவட்டம், தொண்டி அருகே அ. மணக்குடியைச் சோ்ந்தவா் வ.து. நடராஜன். முன்னாள் அமைச்சரான இவருக்கு சொந்தமான ஆறரை ஏக்கா் நிலத்தை போலி ஆவணங்கள் மூலம் தொண்டியைச் சோ்ந்த மன்சூரா பீவி என்பவருக்கு பட்டா மாற்றியுள்ளனா். இதுகுறித்து, மாவட்ட வருவாய் அலுவலா் ராஜமனோகரிடம் நடராஜன் புகாா் அளித்தாா். இதையடுத்து, மாவட்ட வருவாய் அலுவலரின் விசாரணையில் போலி ஆவணங்கள் மூலம் வேறொருவா் பெயருக்கு நிலம் மாற்றப்பட்டது தெரியவந்தது.

இது தொடா்பாக, அ. மணக்குடி கிராம நிா்வாக அலுவலா் மணிகண்டனை பணியிடை நீக்கம் செய்து அவா் உத்தரவிட்டாா். மேலும் முன்னாள் மண்டல துணை வட்டாட்சியரும், வட்ட வழங்கல் அலுவலருமான பாலமுருகன் மீது துறை ரீதியான நடவடிக்கை எடுக்க மாவட்ட ஆட்சியருக்கு பரிந்துரை செய்யப்பட்டது.