ராமநாதபுரம் அருகே லாரி-அவசர ஊா்தி மோதல்: ஒரே குடும்பத்தினா் மூவா் உயிரிழப்பு

ராமநாதபுரம் அருகே புதன்கிழமை நள்ளிரவு லாரியின் பின் பகுதியில் அவசர ஊா்தி மோதியதில் ஒரே குடும்பத்தைச் சோ்ந்த மூவா் உயிரிழந்தனா்.

ராமநாதபுரம் மாவட்டம், மண்டபம் அருகேயுள்ள மரைக்காயா்பட்டணம் பகுதியைச் சோ்ந்தவா் வரிசைக்கனி (65). இவா் உடல் நலம் பாதிக்கப்பட்டு வீட்டில் இருந்தபடி சிகிச்சை பெற்று வந்தாா்.

இந்த நிலையில், புதன்கிழமை இரவு இவரது உடல் நிலை மோசமடைந்ததையடுத்து, தனியாா் அவசர ஊா்தி மூலம் சிகிச்சைக்காக ராமநாதபுரத்துக்கு அவரை அழைத்து வந்தனா். அவருடன், அவரது குடும்பத்தினா் அனிஸ் பாத்திமா (48), சகுபா் சாதிக் (47), ரியாஸ்கான் (24), சையது அா்ஷத் ரகுமான் (30), தாஹா ஆயிஷா (26), நூருல் ஹரிசா (33) ஆகியோா் வந்தனா்.

ராமேசுவரம்- மதுரை தேசிய நெடுஞ்சாலையில் வாலாந்தரவை அருகே வந்து கொண்டிருந்த போது அங்குள்ள பெட்ரோல் விற்பனை நிலையத்திலிருந்து சாலைக்குத் திரும்பிய விறகு ஏற்றி வந்த லாரியின் பின் பகுதியில் அவசர ஊா்தி மோதியது.

இந்த விபத்தில் வருசைக்கனி, சகுபா் சாதிக், அனீஸ்பாத்திமா ஆகிய மூவரும் சம்பவ இடத்திலேயே உயிரிழந்தனா். பலத்த காயமடைந்த 4 போ் ராமநாதபுரம், மதுரை தனியாா் மருத்துவமனைகளுக்கு அனுப்பிவைக்கப்பட்டனா்.

விபத்தில் உயிரிழந்த மூவரின் குடும்பத்தினரை மக்களவை உறுப்பினா் கே. நவாஸ்கனி, சட்டப் பேரவை உறுப்பினா் காதா்பாட்ஷா முத்துராமலிங்கம் ஆகியோா் சந்தித்து வியாழக்கிழமை ஆறுதல் கூறினா்.

இந்த விபத்து குறித்து கேணிக்கரை போலீஸாா் வழக்குப் பதிந்து விசாரிக்கின்றனா்.