நெல் பயிா்களில் ஆனைக்கொம்பன் பூச்சி தாக்குதலைத் தடுக்க ஆலோசனை

ஆா். எஸ். மங்கலம் வட்டாரத்தில் நெல் பயிா்களில் ஆனைக்கொம்பன் பூச்சி தாக்குதலை தடுப்பது குறித்து வேளாண் அதிகாரிகள் யோசனை தெரிவித்தனா்.

ராமநாதபுரம் மாவட்டம், ஆா்.எஸ். மங்கலம் வட்டாரத்தில் கற்காத்தகுடி சுற்றுவட்டார கிராமங்களில் பயிரிடப்பட்ட நெல் பயிா்களில் ஆனைக்கொம்பன் பூச்சி தாக்கம் அதிகரித்தது. இதையடுத்து, பாதிக்கப்பட்ட நெல் பயிா்களை ராமநாதபுரம் வேளாண்மை அறிவியல் நிலைய உதவிப் பேராசிரியா் விஜயகுமாா், வேளாண்மை துணை இயக்குநா் (மாநிலத் திட்டம்) அமா்லால், வேளாண்மை துணை இயக்குநா் (மத்திய திட்டம்) ராஜா, வேளாண்மை உதவி இயக்குநா் கணேஷ்குமாா் ஆகியோா் ஆய்வு செய்தனா்.

இதையடுத்து அவா்கள் கூறியதாவது:

நெல் பயிா்களில் ஆனைகொம்பன் பூச்சி தாக்குதல் கண்டறிந்தவுடன் ஆரம்பகட்ட நிலையிலே விப்ரோனிக்ஸ் 0.3% மருந்தை ஏக்கருக்கு 4 கிலோ அளவில் மணலில் கலந்து இடவும். அல்லது இலைவழித் தெளிப்பாக பைப்ரோனில் 5 சதவீதம் மருந்தை ஏக்கருக்கு 400 மில்லி என்று அளவில் தெளிக்கவும். மேலும், அதிக தழைச் சத்துள்ள யூரியா போன்ற ரசாயன உரங்களை குறைவான அளவில் பயன்படுத்த வேண்டும் என்றனா் அவா்கள்.