முகநூல் மூலம் ரூ. 10.64 லட்சம் மோசடி

சிவகங்கை மாவட்டம், தேவகோட்டையைச் சோ்ந்த காா் ஓட்டுநரிடம் இணைய வழியில் மா்ம நபா்கள் ரூ.10.64 லட்சத்தை மோசடி செய்தனா்.

தேவகோட்டை பகுதியை சோ்ந்தவா் அந்தோணிராஜ் (52). காா் ஓட்டுநரான இவா் கடந்த மாதம் 6-ஆம் தேதி முகநுாலில் இணைய வழி முதலீடு குறித்து வெளியான விளம்பரத்தைப் பாா்த்தாா். பின்னா், அதிலிருந்த இணைப்பை (லிங்க்) அழுத்திய போது, அதில் அடையாளம் தெரியாத நபா் இணைய வழியில் முதலீடு செய்து அதிக லாபம் சம்பாதிக்கலாம் எனப் பேசினாா். இதை நம்பிய அந்தோணிராஜ் அந்த நபா் கூறிய வங்கிக் கணக்குகளில் 5 தவணைகளாக ரூ.10. 64 லட்சத்தை அனுப்பினாா். இதைத் தொடா்ந்து, அந்த நபா் மீண்டும், மீண்டும் பணம் கேட்டபோது தான் ஏமாற்றப்பட்டதை உணா்ந்தாா். பின்னா், இதுகுறித்து சிவகங்கை இணைய குற்றத் தடுப்புப் பிரிவு காவல் துறையினரிடம் அந்தோணிராஜ் புகாா் அளித்தாா். இதுகுறித்து போலீஸாா் வழக்குப் பதிவு செய்து விசாரித்து வருகின்றனா்.