பெரியகுளத்தில் ஆமை வேகத்தில் கழிவுநீர் கால்வாய் பராமரிப்புப் பணி: பொதுமக்கள் அவதி

பெரியகுளம் காய்கறி சந்தையில் கழிவுநீர் கால்வாய் பணிகள் ஆமை வேகத்தில் நடைபெறுவதால் பொதுமக்கள் அவதிக்குள்ளாகியுள்ளனர்.
 பெரியகுளம் காய்கறி சந்தை தெருவில் கழிவுநீர் கால்வாய் அமைப்பதற்காக பள்ளம் தோண்டப்பட்டுள்ளது. இப்பணிகள் ஆமை வேகத்தில் நடைபெறுவதால் சந்தைக்கு வந்து செல்லும் பொதுமக்கள் அவதிக்குள்ளாகின்றனர்.
 மேலும், காய்கறி கொண்டு வரும் வாகனங்களும் வரமுடியாமல் வியாபாரிகளும் பாதிப்புக்குள்ளாகியுள்ளனர். எனவே, கழிவுநீர் கால்வாய் பணிகளை விரைந்து முடிக்க வேண்டும் என பொதுமக்கள் கோரிக்கை விடுத்துள்ளனர்.