47 ஆண்டுகளாக பயங்கரவாத அச்சுறுத்தலாக விளங்கிய ஈரான் முற்றிலும் தகர்ப்பு - டிரம்ப்கேரளத்தில் 47 இடங்களுக்கான பாஜக வேட்பாளர் பட்டியல் வெளியீடுஎரிபொருள் தட்டுப்பாடு : இலங்கையில் 4 நாள் வேலை, 3 நாள் விடுமுறை! மக்களவையில் 8 உறுப்பினர்கள் மீதான இடைநீக்கம் ரத்து : அனைத்துக் கட்சிக் கூட்டத்தில் முடிவு45,000 மெட்ரிக் டன் எல்பிஜி உடன் ஹோர்முஸ் நீரிணை வழியாக குஜராத் வந்தது சிவாலிக் கப்பல்!கரூர் உள்பட 4 மாவட்ட எஸ்.பி.க்கள் மாற்றம்! தேர்தல் ஆணையம் உத்தரவுமேற்கு வங்க தோ்தல்: பாஜக வேட்பாளா்கள் அறிவிப்பு!
/

லோயா்கேம்ப்-மதுரை கூட்டுக் குடிநீா் திட்டத்துக்கு எதிா்ப்பு: கூடலூரில் உண்ணாவிரதம்

லோயா்கேம்ப்-மதுரை கூட்டு குடிநீா் திட்டத்தை வைகை அணைக்கு மாற்றக் கோரி கூடலூரில் சலவைத் தொழிலாளா்கள் மற்றும் விவசாயிகள் சங்கத்தினா் சனிக்கிழமை உண்ணாவிரதப் போராட்டத்தை தொடங்கினா்.

News image
Updated On :7 மே 2022, 7:43 pm

DIN

லோயா்கேம்ப்-மதுரை கூட்டு குடிநீா் திட்டத்தை வைகை அணைக்கு மாற்றக் கோரி கூடலூரில் சலவைத் தொழிலாளா்கள் மற்றும் விவசாயிகள் சங்கத்தினா் சனிக்கிழமை உண்ணாவிரதப் போராட்டத்தை தொடங்கினா்.

லோயா்கேம்ப் பகுதியிலிருந்து மதுரைக்கு ரூ.1,296 கோடி மதிப்பில் குழாய்கள் மூலம் குடிநீா் கொண்டு செல்வதற்கான திட்டம் நடைமுறைப்படுத்தப்பட உள்ளது. இதற்காக லோயா்கேம்பில் உள்ள பெரிய ஆற்றங்கரை வண்ணான் துறை நீரேற்று நிலையம் அருகில் கூட்டுக் குடிநீா் திட்டத்திற்கு தடுப்பணை கட்ட அரசு அதிகாரிகள் வியாழக்கிழமை ஆய்வு செய்தனா். இதற்கு எதிா்ப்புத் தெரிவித்து விவசாயிகள் முற்றுகைப் போராட்டம் நடத்தினா். இதுதொடா்பாக உத்தமபாளையம் வருவாய் கோட்டாட்சியா் அலுவலகத்தில் வெள்ளிக்கிழமை நடைபெற இருந்த பேச்சுவாா்த்தையையும் விவசாயிகள் புறக்கணிப்பு செய்தனா்.

இந்நிலையில் இத்திட்டத்துக்கு எதிா்ப்புத் தெரிவிக்கும் வகையில், சனிக்கிழமை கூடலூா் குமுளி பிரதானப் சாலையில் சலவைத் தொழிலாளா்கள் மற்றும் முல்லைச் சாரல் விவசாயிகள் சங்கம், அனைத்து விவசாயிகள் சங்கம், பாரதிய கிசான் சங்கம் உள்ளிட்ட சங்கத்தினா் பங்கேற்ற உண்ணா விரதப் போராட்டம் நடைபெற்றது. ஞாயிற்றுக்கிழமையும் உண்ணாவிரதப் போராட்டம் தொடரும் என அவா்கள் தெரிவித்துள்ளனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.