பள்ளியில் ஆசிரியை கொலை: தேனியில் கண்டன ஆா்ப்பாட்டம்

அரசுப் பள்ளியில் ஆசிரியை கொலை செய்யப்பட்ட சம்பவத்தைக் கண்டித்து, தேனியில் ஆசிரியா்கள் சங்கங்களின் கூட்டமைப்பு சாா்பில், புதன்கிழமை ஆா்ப்பாட்டம் நடைபெற்றது.

தேனி மாவட்ட ஆட்சியா் அலுவலகம் முன் நடைபெற்ற ஆா்ப்பாட்டத்துக்கு கூட்டமைப்பின் மாவட்ட ஒருங்கிணைப்பாளா் மோகன் தலைமை வகித்தாா். மாவட்டச் செயலா் மலைச்சாமி, ஆரம்பப் பள்ளி ஆசிரியா் கூட்டணி மாநிச் செயலா் கிருஷ்ணசாமி, மாவட்டத் தலைவா் ராம்குமாா், உயா்நிலை-மேல்நிலைப் பள்ளி பட்டதாரி ஆசிரியா் கழக மாவட்டச் செயலா் மலைச்சாமி, கள்ளா் சீா்மரபினா் துறை பள்ளி ஆசியா்கள் சங்க மாவட்டத் தலைவா் முருகன், தமிழ்நாடு அரசு ஊழியா் சங்க மாவட்டச் செயலா் தாஜூதீன் ஆகியோா் முன்னிலை வகித்தனா்.

இதில் தஞ்சை, மல்லிப்பட்டிணம் அரசு பள்ளியில் ஆசிரியை குத்திக் கொலை செய்யப்பட்ட சம்பவத்தைக் கண்டித்தும், ஆசிரியா்களுக்கு பணி பாதுகாப்பு வழங்க அரசை வலியுறுத்தியும் முழக்கங்களை எழுப்பினா்.