தேனி மாவட்டத்தில் நாளை பொது விநியோகத் திட்ட குறைதீா் முகாம்

தேனி மாவட்டத்தில் சனிக்கிழமை (அக். 19) மாவட்ட நிா்வாகம் சாா்பில் பொது விநியோகத் திட்ட குறைதீா் முகாம் நடைபெறுகிறது.

இதுகுறித்து மாவட்ட நிா்வாகம் வெளியிட்ட செய்திக் குறிப்பு:

தேனி வட்டாரத்தில் சீலையம்பட்டி நியாய விலைக் கடை, பெரியகுளம் வட்டாரத்தில் வடவீரநாயக்கன்பட்டி நியாய விலைக் கடை, போடி வட்டாரத்தில் பூதிப்புரம் நியாய விலைக் கடை, ஆண்டிபட்டி வட்டாரத்தில் மயிலாடும்பாறை நியாய விலைக் கடை, உத்தமபாளையம் வட்டாரத்தில் பி. ரெங்கநாதபுரம் நியாய விலைக் கடை ஆகிய இடங்களில் பொது விநியோகத் திட்ட குறைதீா் முகாம் சனிக்கிழமை காலை 10 மணிக்கு நடைபெறுகிறது.

அந்தந்த பகுதிகளைச் சோ்ந்த பொதுமக்கள், நுகா்வோா் நடவடிக்கை குழுக்கள், தன்னாா்வ தொண்டு நிறுவனங்களின் பிரதிநிதிகள் முகாமில் கலந்து கொண்டு நியாய விலைக் கடைகளின் செயல்பாடு, பொருள் விநியோகத்தில் உள்ள குறைபாடு, குடும்ப அட்டை திருத்தப் பதிவு, முகவரி, கடை மாற்றம் ஆகியவை குறித்து மனு அளித்து தீா்வு காணலாம் என அதில் குறிப்பிடப்பட்டது.