தேனியில் தோ்தல் விழிப்புணா்வு பேரணி

தேனியில் தோ்தல் விழிப்புணா்வு பேரணியை மாவட்ட ஆட்சியா் ரஞ்ஜீத் சிங் வியாழக்கிழமை தொடங்கி வைத்தாா்.

தமிழக சட்டப்பேரவைத் தோ்தலில் 100 சதவீத வாக்குப்பதிவை வலியுறுத்தி தேனி மாவட்டத்தில் உள்ள 4 சட்டப்பேரவைத் தொகுதிகளில் கையொப்ப இயக்கம் உள்பட பல்வேறு விழிப்புணா்வு நிகழ்ச்சிகள் நடைபெற்றன. இதன்படி, தேனி மாவட்ட இளைஞா் நலன், விளையாட்டு மேம்பாட்டுத்துறை சாா்பில் மாவட்ட விளையாட்டு மைதானத்தில் பேரணியை தேனி மாவட்ட ஆட்சியா் ரஞ்ஜீத் சிங் தொடங்கி வைத்தாா். இந்தப் பேரணி விளையாட்டு மைதானத்தில் தொடங்கி புதிய பேருந்து நிலையம், ரயில்வே கடவுப் பாதை வழியாக சென்று பங்களாமேட்டில் நிறைவடைந்தது. இந்தப் பேரணியில் 800 க்கு மேற்பட்ட மாணவ, மாணவிகள் தோ்தல் விழிப்புணா்வு பதாகைகளை ஏந்தியபடி சென்றனா். முன்னதாக, ஆட்சியா் தலைமையில் வாக்காளா் விழிப்புணா்வு உறுதிமொழியேற்றனா்.

இந்தப் பேரணியில், மாவட்ட வருவாய் அலுவலா் ப. ராஜகுமாா், ஊரக வளா்ச்சி முகமைத் திட்ட இயக்குநா் தமிழரசி, மாவட்ட விளையாட்டு அலுவலா் சிவக்குமாா், மாவட்ட உடல் கல்வி ஆய்வாளா் குபேந்திரன், வட்டாட்சியா் சதீஸ்குமாா் உள்ளிட்ட பலா் கலந்து கொண்டனா்.