உத்தமபாளையம் அருகே அரிசி ஆலையில் அதிகாரிகள் ஆய்வு

தேனி மாவட்டம், உத்தமபாளையம் வட்டாரத்தில் உள்ள அரிசி ஆலைகளில் ரேஷன் அரிசியை அரைத்து குருணையாகவோ, மாவாகவே மாற்றி விற்கின்றனரா என அதிகாரிகள் புதன்கிழமை ஆய்வில் ஈடுபட்டனா்.

அணைப்பட்டியில் உள்ள அரிசி அரவை ஆலையில் புதன்கிழமை ஆய்வு செய்த அதிகாரிகள்.

Updated On :

தேனி மாவட்டம், உத்தமபாளையம் வட்டாரத்தில் உள்ள அரிசி ஆலைகளில் ரேஷன் அரிசியை அரைத்து குருணையாகவோ, மாவாகவே மாற்றி விற்கின்றனரா என அதிகாரிகள் புதன்கிழமை ஆய்வில் ஈடுபட்டனா்.

உத்தமபாளையம் வட்டாரத்தில் கம்பம், சின்னமனூா், உத்தமபாளையம் போன்ற பகுதிகளில் பொதுமக்களுக்கு இலவசமாக வழங்கப்படும் ரேஷன் அரிசியை குருணையாக மாற்றி கோழிப்பண்ணைகளுக்கு தீவனமாகவும், மாவாக அரைத்து கடைகளுக்கு விற்பனை செய்வதை கண்டறிந்து உரிய நடவடிக்கை எடுக்க வேண்டும் என சம்பந்தப்பட்ட துறை அதிகாரிகளுக்கு கம்பம் தொகுதி சட்டப்பேரவை உறுப்பினா் பி.எல்.ஏ. ஜெகநாத்மிஸ்ரா அறிவுறுத்தினாா்.

இதன்படி, உத்தமபாளையம் குடிமைப் பொருள் வழங்கல் குற்றப்புலனாய்வுப் பிரிவு போலீஸாா், வட்ட வழங்கல் அலுவலா் உள்ளிட்டோா் அரிசி அரவை ஆலைகளில் ஆய்வுப் பணியை புதன்கிழமை தொடங்கினா். இதில், உத்தமபாளையம் அருகே அணைப்பட்டியில் உள்ள தனியாா் அரிசி அரவை ஆலையில் 41 மூட்டைகளிலிருந்த அரிசி மாவு, ரேஷன் அரிசியா என விசாரிக்கின்றனா்.

மேலும், ரேஷன் அரிசியை மாவாக மாற்றவோ, குருணையாக மாற்றவோ விதித்த தடையை மீறி சட்ட விரோதமாக செயல்படும் அரிசி ஆலைகளைத் தொடா்ந்து சோதனையிட்டு வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.