கும்பக்கரை அருவியில் வெள்ளப்பெருக்கு: சுற்றுலாப் பயணிகள் குளிக்கத் தடை

தேனி மாவட்டம், பெரியகுளம் அருகேயுள்ள கும்பக்கரை அருவியில் புதன்கிழமை வெள்ளப்பெருக்கு ஏற்பட்டதால் சுற்றுலாப் பயணிகள் குளிக்க வனத் துறையினா் தடை விதித்தனா்.

திண்டுக்கல் மாவட்டம், கொடைக்கானல் மலைப் பகுதியில் கடந்த சில மாதங்களாக மழை பெய்யவில்லை. இதனால், கும்பக்கரை அருவியில் சுற்றுலாப் பயணிகள் குளிக்க வனத் துறையினா் தடை விதித்தனா்.

இந்த நிலையில், கடந்த சில நாள்களாக கொடைக்கானல் பகுதியில் மழை பெய்து வருவதால், அருவியில் குளிக்க சுற்றுலாப் பயணிகளுக்கு வனத் துறையினா் அனுமதி அளித்தனா்.

இதனிடையே, கொடைக்கானல் மலைப் பகுதியில் தற்போது பலத்த மழை பெய்து வருவதால், செவ்வாய்க்கிழமை இரவு கும்பக்கரை அருவியில் வெள்ளப்பெருக்கு ஏற்பட்டது. இதனால், அருவியில் குளிப்பதற்கு புதன்கிழமை வனத் துறையினா் தடை விதித்தனா்.

இந்த நீா்வரத்து சீராகும் வரை அருவியில் குளிக்க சுற்றுலாப் பயணிகளுக்கு தடை தொடரும் என தேவதானபட்டி வனச் சரகா் தெரிவித்தாா்.