கோம்பை பெருமாள் கோயிலில் புரட்டாசி முதல்வாரத் திருவிழா

தேனி மாவட்டம், கோம்பை ஸ்ரீதிருமலைராயப் பெருமாள் கோயிலில் புரட்டாசி முதல் வாரத் திருவிழா சனிக்கிழமை நடைபெற்றது.

உத்தமபாளையத்தை அடுத்த கோம்பையில் மேற்குத் தொடா்ச்சி மலை அடிவாரத்தில் ஸ்ரீதிருமலைராயப் பெருமாள் கோயில் அமைந்துள்ளது. இந்தக் கோயிலில் ஆண்டுதோறும் புரட்டாசி மாதத்தில் 5 வாரத் திருவிழா சனிக்கிழமைகளில் நடைபெறும்.

இதன்படி, நிகழாண்டில் சனிக்கிழமை முதல்வாரத் திருவிழா நடைபெற்றது. இந்த விழாவையொட்டி, கோம்பையிலிருந்து 6 கி.மீ. தொலைவில் உள்ள மேற்குத் தொடா்ச்சி மலை அடிவாரம் வரை அரசுப் போக்குவரத்துக் கழகம் சாா்பில் சிறப்பு பேருந்துகள் இயக்கப்பட்டன.

இதனால், காலை முதலே பக்தா்கள் கூட்டம் அதிகமாக காணப்பட்டதால், நீண்ட வரிசையில் காத்திருத்து பக்தா்கள் சுவாமி தரிசனம் செய்தனா். இதில் சுயம்பு மூா்த்தி திருமலைராயப் பெருமாள் சயனக் கோலத்திலும், உற்சவா் ரெங்கநாதா், ஸ்ரீதேவி பூதேவி தாயாருடன் நின்ற கோலத்திலும் பக்தா்களுக்கு காட்சியளித்தனா்.