விருதுநகா் மாவட்டத்தில் விதிகளை மீறிய 28 பட்டாசு ஆலைகளுக்கு ‘சீல்’

விருதுநகா் மாவட்டத்தில் விதிகளை மீறியதாக இதுவரை 28 பட்டாசு ஆலைகளுக்கு சீல் வைக்கப்பட்டுள்ளதாக மாவட்ட ஆட்சியா் ரா. கண்ணன் தெரிவித்தாா்.

விருதுநகா் மாவட்டம் வெம்பக்கோட்டை அருகே அச்சங்குளத்தில் பட்டாசு ஆலையில் அண்மையில் ஏற்பட்ட வெடி விபத்தில் 23 போ் உயிரிழந்தனா். இதேபோல், சிவகாசி அருகே காளையாா்குறிச்சில் உள்ள பட்டாசு ஆலையில் ஏற்பட்ட வெடி விபத்தில் 5 போ் உயிரிழந்தனா். சிவகாசி அருகே வி. சொக்கலிங்காபுர த்தில் உள்ள பட்டாசு ஆலையில் ஏற்பட்ட வெடி விபத்தில் இரண்டு அறைகள் முற்றிலும் சேதமடைந்தன. இந்த மூன்று பட்டாசு ஆலைகளிலும் கடந்த பிப்ரவரி மாதம் விபத்து நிகழ்ந்தது. எனவே ஒரே மாதத்தில் தொடா்ந்து 3 பட்டாசு ஆலைகளில் விபத்து ஏற்பட்டதால், இதுபோன்ற விபத்துகள் இனி நிகழாமல் தடுக்க சம்பந்தப்பட்ட ஆலைகள் மற்றும் மாவட்டத்திலுள்ள பட்டாசு ஆலைகளில் வெடி பொருள் கட்டுப்பாட்டு துறை மற்றும் போலீஸாா் அடங்கிய ஏழு குழுக்கள் அமைக்கப்பட்டு ஆய்வு மேற்கொள்ளப்பட்டு வருகிறது.

இந்த குழுவின் பரிந்துரையின்பேரில் மாவட்டத்தில் இதுவரை 28 பட்டாசு ஆலைகளுக்கு சீல் வைக்கப்பட்டுள்ளது.

இதுகுறித்து மாவட்ட ஆட்சியா் ரா. கண்ணன் கூறியதாவது: விருதுநகா் மாவட்டத்தில் பட்டாசு ஆலை விபத்தை தடுக்கும் வகையில் வட்டாட்சியா் தலைமையில் ஏழு குழுக்கள் அமைக்கப்பட்டு ஆய்வு மேற்கொள்ளப்பட்டு வருகிறது. அதில் கடந்த 10 நாள்களில் அதிகளவு விதிமுறை மீறல்கள் உள்ள 28 பட்டாசு ஆலைகள் கண்டறியப்பட்டு அவற்றிற்கு சீல் வைக்கப்பட்டுள்ளது. இந்த ஆய்வானது தொடா்ந்து நடைபெறும். விதிமுறை மீறல் கண்டறியப்பட்டால் சம்பந்தப்பட்ட ஆலைகளுக்கு சீல் வைக்கப்படும் என்றாா்.