நெதா்லாந்து விளையாட்டு போட்டிகளில் வெற்றி பெற்ற காவலா்களுக்கு முதல்வா் பாராட்டு

நெதா்லாந்து நாட்டில் நடைபெற்ற விளையாட்டுப் போட்டிகளில் வெற்றி பெற்ற தமிழக காவலா்களுக்கு தமிழக முதல்வா் மு.க. ஸ்டாலின் வியாழக்கிழமை பாராட்டுத் தெரிவித்தாா்.

நெதா்லாந்து நாட்டில் அனைத்து நாடுகளைச் சோ்ந்த காவலா்கள் பங்கேற்கும் விளையாட்டுப் போட்டிகள் கடந்த ஜூலை 23 ஆம் தேதி தொடங்கி 28 ஆம் தேதி வரை நடைபெற்றது. இதில் 69 நாடுகளைச் சாா்ந்த சுமாா் 6000 காவலா்கள் கலந்து கொண்டனா்.

இதில் தமிழக காவல்துறை சாா்பில் காவல் கண்காணிப்பாளா் மயில்வாகனன் தலைமையில் மூன்று பெண் காவலா்கள், ஸ்ரீவில்லிபுத்தூா் சிறப்பு இலக்குப்படை சாா்பு- ஆய்வாளா் கிருஷ்ணமூா்த்தி உள்பட 12 போ் பங்கேற்றனா்.

இதில் 5 கிலோ மீட்டா் தூரம் நடை போட்டியில் சாா்பு -ஆய்வாளா் கிருஷ்ணமூா்த்தி 28 நிமிடங்கள் 59 வினாடிகளில் வந்து முதலிடம் பெற்று தங்கப் பதக்கம் பெற்றாா். மேலும் தமிழக காவலா்கள் 25 பதக்கங்களைப் பெற்றனா். இதனைத் தொடா்ந்து புதன்கிழமை அவா்கள் தமிழகத்திற்கு வந்தனா்.

இந்நிலையில் வியாழக்கிழமை வெற்றி பெற்ற காவலா்கள் அனைவரும் தமிழக முதல்வா் மு.க. ஸ்டாலினை சந்தித்து வாழ்த்து பெற்றனா். அவா்களுக்கு முதல்வா் வாழ்த்துகளைத் தெரிவித்து பாராட்டினாா். மேலும் வெற்றி பெற்ற காவலா்களை டிஜிபி சைலேந்திரபாபு, ஐஜி முருகன், ஐஜி சம்பத்குமாா், மாவட்ட காவல் கண்காணிப்பாளா்கள் திருநாவுக்கரசு, ராஜன், மூா்த்தி ஆகியோரும் பாராட்டினா்.