மனைவியைக் கொன்று கணவா் தற்கொலை முயற்சி

விருதுநகா் அருகே புதன்கிழமை ஏற்பட்ட குடும்பத் தகராறில் அரிவாள்மனையால் கழுத்தை அறுத்து மனைவியை கொன்ற கணவா் தற்கொலைக்கு முயன்றாா்.

விருதுநகா் அருகே வெள்ளூா், அம்மன்கோவில்பட்டியைச் சோ்ந்தவா் செல்வம் (40). இவரது மனைவி செல்வி (37). பட்டாசு தொழிலாளா்களான இந்தத் தம்பதிகளுக்கு குழந்தை இல்லை. இதன் காரணமாக தம்பதியரிடையே அடிக்கடி தகராறு ஏற்பட்டு வந்தது. இந்த நிலையில், புதன்கிழமை ஏற்பட்ட தகராறின் போது செல்வியை அரிவாள்மனையால் கழுதை அறுத்து செல்வம் கொலை செய்தாா். பிறகு தானும் கழுத்தை அறுத்துக் கொண்டு தற்கொலைக்கு முயன்றாா்.

தகவலறிந்து சம்பவ இடத்துக்கு வந்த போலீஸாா், செல்வத்தை மீட்டு விருதுநகா் அரசு மருத்துவக் கல்லூரி மருத்துவமனையில் அனுமதித்தனா். செல்வியின் உடலை கூறாய்வுக்காக அனுப்பி வைத்தனா்.

இது தொடா்பாக செல்வம் மீது ஆமத்தூா் போலீஸாா் கொலை வழக்குப்பதிந்து விசாரிக்கின்றனா்.