சேதமடைந்த மின்கம்பங்களை மாற்றக் கோரிக்கை

சீா்காழி அருகே காத்திருப்பு பகுதியில் சேதமடைந்த மின்கம்பங்கள், தாழ்வாகச் செல்லும் மின்கம்பிகளை சீரமைக்க வேண்டும் என கோரிக்கை விடுக்கப்பட்டுள்ளது. காத்திருப்பு ஊராட்சி அண்ணா நகா், அஞ்சாமனை, கீழத்தெரு, கோயில் தெரு மற்றும் ஆதிதிராவிடா் காலனி பகுதியில் 10 மின்கம்பங்கள் முற்றிலும் சேதமடைந்துள்ளன. மேலும், கீழத்தெரு, அஞ்சா மனை ஆகிய இடங்களில் மின்கம்பிகள் தாழ்வாகச் செல்கின்றன. இதுகுறித்து ஊராட்சித் தலைவா் அன்புமணி மணிமாறன் கூறியது: பொதுமக்கள் நலன் கருதி உடனடியாக சேதமடைந்த மின்கம்பங்களை அகற்றிவிட்டு, புதிய மின்கம்பங்கள் நடவேண்டும். தாழ்வாகச் செல்லும் மின்கம்பிகளை உயா்த்திக் கட்டவேண்டும் என வைத்தீஸ்வரன் கோவில் மற்றும் திருவெண்காடு மின்வாரிய அலுவலகத்தில் மனு அளித்துள்ளதாக தெரிவித்தாா்.