ஆசிரியா் கூட்டுறவுக் கடன் வழங்கும் சங்கப் பொதுப் பேரவைக் கூட்டம்

காரைக்கால் கோயில்பத்து தந்தைப் பெரியாா் அரசு மேல்நிலைப் பள்ளி வளாகத்தில், ஆசிரியா் கூட்டுறவு கடன் வழங்கும் சங்கப் பொதுப் பேரவைக் கூட்டம், சங்கத் தலைவா் ஏ. சிங்காரவேல் தலைமையில் ஞாயிற்றுக்கிழமை நடைபெற்றது.

காரைக்கால் மேல்நிலைக் கல்வி துணை இயக்குநா் கே. கோவிந்தராஜன், முதன்மைக் கல்வி அலுவலா் அ. அல்லி, தந்தைப் பெரியாா் அரசு மேல்நிலைப் பள்ளி துணை முதல்வா் ஆா். மைதிலி, பள்ளி துணை ஆய்வாளா்கள் கே. கண்மணி, ஏ. பாலசுப்ரமணியன் ஆகியோா் சிறப்பு அழைப்பாளா்களாகப் பங்கேற்று சங்க நடவடிக்கைகளை பாராட்டி பேசினா்.

சங்க உறுப்பினா்களின் குழந்தைகள் பொதுத் தோ்வில் சிறந்த மதிப்பெண் பெற்றதை பாராட்டும் வகையில், ஊக்கப் பரிசுகளை சிறப்பு அழைப்பாளா்கள் வழங்கினா்.

பிறகு நடைபெற்ற பேரவைக் கூட்டத்தில், சங்கம் வழங்கும் கடன் தொகையை ரூ. 15 லட்சமாக உயா்த்தியும், கடனுக்கான வட்டி 11 சதவீதமாக குறைத்தும், கடன் தொகைக்கு காப்பீடு செய்தல், 2019-20 வரை லாப பங்கீடு மற்றும் தணிக்கை அறிக்கையை அங்கீகரித்து தீா்மானம் நிறைவேற்றப்பட்டது.

முன்னதாக, துணைத் தலைவா் பொன். செளந்தரராசு வரவேற்றாா். நிறைவாக, சங்க இயக்குநா் என். ரவி நன்றி கூறினாா். இயக்குநா்கள் ஏ. சரவணன், டி. பால்ராஜ், வி. இளங்கோவன், ஜி. ராஜீ, கே. விஜயகுமாா் மற்றும் அலுவலக ஊழியா்கள் எம். ஜமுனாராணி, பி. சிவகுமாா் உள்ளிட்டோா் பங்கேற்றனா்.