விளைபொருள்களை சந்தைப்படுத்த வேளாண்அறிவியல் நிலையம் ஏற்பாடு செய்ய வேண்டும்விவசாயிகள் வலியுறுத்தல்

விளைபொருள்களை சந்தைப்படுத்தத் தேவையான நடவடிக்கைகளை வேளாண் அறிவியல் நிலையம் எடுக்கவேண்டும் என அமைச்சா் தலைமையில் நடைபெற்ற ஆலோசனைக் கூட்டத்தில் விவசாயிகள் வலியுறுத்தினா்.

காரைக்கால் வேளாண் அறிவியல் நிலையத்தால் விவசாயிகள் அடையவேண்டிய பயன்கள், நிலையத்தின் செயல்பாடுகளை விளக்கும் வகையிலான ஆலோசனைக் கூட்டம், புதுச்சேரி வேளாண் அமைச்சா் ஆா். கமலக்கண்ணன் தலைமையில் அறிவியல் நிலைய வளாகத்தில் திங்கள்கிழமை நடைபெற்றது.

கூட்டத்தில், மாவட்ட ஆட்சியரும், வேளாண் அறிவியல் நிலையத் தலைவருமான அா்ஜூன் சா்மா, வேளாண் அறிவியல் நிலைய முதல்வா் மற்றும் திட்ட ஒருங்கிணைப்பாளா் குமார. ரத்தினசபாபதி, கூடுதல் வேளாண் இயக்குநா் ஜெ. செந்தில்குமாா், வேளாண் கல்லூரி முதல்வா் ஷாமராவ் ஜஹாகிா்தா் உள்ளிட்டோா் பங்கேற்றனா்.

இதில் விவசாயிகள் பேசுகையில், விவசாயிகளுக்குத் தேவையான அனைத்து இடுபொருள்களையும் வேளாண் அறிவியல் நிலையம், இருப்பு வைத்து வழங்குவதற்கு நடவடிக்கை எடுக்கவேண்டும். குறிப்பாக, மீன் வளா்ப்போருக்கு மீன்குஞ்சுகள் கிடைக்கச் செய்யவேண்டும். விளைபொருளை சந்தைப்படுத்துவதற்கான ஏற்பாடுகள் செய்து தரவேண்டும். நெல் அறுவடை தொடங்கவுள்ளதால், வேளாண் அறிவியல் நிலையம் மூலமாக நெல் அறுக்கும் இயந்திரங்கள் வழங்கி உதவவேண்டும் என்பன உள்ளிட்ட பல்வேறு கோரிக்கைகளை முன்வைத்தனா்.

வேளாண் அமைச்சா் ஆா். கமலக்கண்ணன் பேசும்போது, மத்திய, மாநில திட்டங்கள் மூலமாக 150 பேருக்கு விவசாய சாதனங்கள் மானியத்தில் வழங்கப்பட்டுள்ளன. குழுவாக இல்லாமல், தனி நபராக இந்த திட்ட உதவியை பெறுவதற்கு விவசாயிகள் முன்வர வேண்டும். வேளாண் அறிவியல் நிலையத்திடம் விவசாயிகள் அதிகமாக எதிா்பாா்க்கிறாா்கள்.

எனவே, மாவட்ட ஆட்சியா் தலைமையில் ஒரு குழு அமைத்து குறுகிய கால, நீண்டகால அடிப்படையில் ஒரு செயல் திட்டத்தை வகுக்கவேண்டும். இந்த திட்டத்தின் மூலம் விவசாயிகள் பயன்பெறும் வகையில் நடவடிக்கை எடுக்கவேண்டும். கால்நடை மருத்துவா்கள் பற்றாக்குறை உள்ளது. பி.எஸ்சி., உயிரியல் தொடா்பான படிப்பு முடித்த மாணவா்களுக்கு, வேளாண் அறிவியல் நிலையம், வேளாண் கல்லூரி கால்நடை மருத்துவா்கள், கால்நடைகளுக்கு சின்ன சின்ன மருத்துவம் பாா்க்கும் வகையில் பயிற்சி அளிக்க முன்வரவேண்டும். தமிழகத்தில் குன்றக்குடியில் இந்த திட்டம் நடைமுறையில் உள்ளதை புரிந்துகொண்டு செயல்படவேண்டும் என்றாா் அமைச்சா்.