லாரி மோதி இளைஞா் பலி

திருநள்ளாறு அருகே சாலை விபத்தில் இளைஞா் புதன்கிழமை இரவு உயிரிழந்தாா்.

நாகை மாவட்டம், குருநாதபுரம் பகுதியை சோ்ந்தவா் சூா்யா (19). இவரது மைத்துனா் சுந்தரராஜ். இருவரும் புதன்கிழமை இரவு காரைக்கால் நோக்கி இருசக்கர வாகனத்தில் சென்று கொண்டிருந்தனா். திருநள்ளாறு அருகே சாலையில் பள்ளம் மற்றும் கருங்கற்கள் கிடந்ததால், இருசக்கர வாகனத்தை திருப்பியபோது இருவரும் சாலையில் விழுந்தனா். அப்போது, அவ்வழியே வந்த லாரி மோதியதில் இருவரும் காயமடைந்தனா். அவா்கள் காரைக்கால் அரசு மருத்துவமனைக்கு அனுப்பிவைக்கப்பட்டனா்.

அங்கு சூா்யாவை பரிசோதித்த மருத்துவா்கள், அவா் ஏற்கெனவே உயிரிழந்துவிட்டதாக மருத்துவா்கள் தெரிவித்தனா். சுந்தரராஜ் சிகிச்சை பெற்று வருகிறாா். இதுகுறித்து, காரைக்கால் போக்குவரத்து போலீஸாா் விசாரணை மேற்கொண்டுள்ளனா்.

சாலையை சீரமைக்க வலியுறுத்தல்: கடந்த ஒரு மாதத்துக்கு முன் திருநள்ளாறு அருகே சாலையில் குழாய் மாற்றுவதற்காக பொதுப்பணித் துறை சாா்பில் தோண்டப்பட்ட பள்ளம் மூடப்படாமல் உள்ளது. இந்த பள்ளத்தால் ஏற்பட்ட விபத்தில் இளைஞா் உயிரிழந்துள்ளாா். மேலும் இதுவரை 20-க்கும் மேற்பட்ட விபத்துகள் நிகழ்ந்துள்ளன. எனவே, சாலையை சீரமைக்க சம்பந்தப்பட்ட துறையினா் நடவடிக்கை எடுக்கவேண்டும் என்று வலியுறுத்தப்பட்டுள்ளது.