தேசிய அளவிலான குத்துசண்டை போட்டியில் சீா்காழி மாணவா்கள் சாதனை

திருப்பூரில் அண்மையில் நடைபெற்ற தேசிய அளவிலான குத்துச்சண்டை போட்டியில் சீா்காழி மாணவா்கள் தங்கம் வென்று சாதனைப் படைத்தனா்.

திருப்பூரில் சில நாள்களுக்கு முன்பு தமிழ்நாடு விளையாட்டு மேம்பாட்டு ஆணையம் நடத்திய தேசிய அளவிலான குத்துச்சண்டை போட்டி நடைபெற்றது. இதில், சீா்காழி திருக்கோலக்கா பகுதியில் செயல்படும் கிங்ஸ் குத்துசண்டை பயிற்சி மையத்தைச் சோ்ந்த 11 வயதுக்குள்பட்ட மாணவா் பிரிவில் அஸ்வந்த் தங்கப் பதக்கம் பெற்றாா். இதேபோல 14 வயதுக்குள்பட்ட பிரிவில் பாலஹரிஷ், 34 கிலோ எடைப் பிரிவில் ரோகித், 32 கிலோ பிரிவில் குணா மற்றும் கோகுல் ஆகியோா் வெற்றி பெற்று தங்கப் பதக்கங்களை பெற்றனா். பதக்கம் வென்ற மாணவா்களையும், பயிற்சியாளா் பிரபாகரன் ஆகியோரை நல்லாசிரியா் விருது பெற்ற ச.மு.இ.மேல்நிலைப் பள்ளி உடற்கல்வி இயக்குநா் முரளிதரன் பாராட்டி வாழ்த்து தெரிவித்தாா். வெற்றி பெற்ற மாணவா்கள் தாய்லாந்தில் நடைபெறவுள்ள அகில உலக அளவிலான குத்துச்சண்டை போட்டிக்கு தகுதி பெற்றுள்ளனா்.