மயிலாடுதுறையில் இறுதிக்கட்ட தோ்தல் பிரசாரம்

 மயிலாடுதுறையில் நகா்ப்புற உள்ளாட்சித் தோ்தல் இறுதிக்கட்ட பிரசாரம் வியாழக்கிழமை தீவிரமாக நடைபெற்றது.

நகராட்சி 7-ஆவது வாா்டில் போட்டியிடும் திமுக வேட்பாளா் மணிமேகலை மணிவண்ணனை ஆதரித்து காங்கிரஸ் எம்எல்ஏ. எஸ். ராஜகுமாா், முன்னாள் எம்எல்ஏ சத்தியசீலன் ஆகியோா் வீடுவீடாகச் சென்று வாக்கு சேகரித்தனா். 9-ஆவது வாா்டில் திமுக வேட்பாளா் ஜெ. லிங்கராஜனுக்கு ஆதராவாக முன்னாள் எம்எல்ஏ. அருட்செல்வன் உள்ளிட்டோா் வாக்கு சேகரித்தனா்.

மயிலாடுதுறை நகராட்சியில் போட்டியிடும் பாமக வேட்பாளா்கள் அக்கட்சியின் மாவட்ட செயலாளா் சித்தமல்லி ஆ. பழனிசாமி தலைமையில், மாவட்ட ஆட்சியா் அலுவலகம் சென்று, தோ்தலில் தாங்கள் வெற்றி பெற்றால் புதைசாக்கடை பிரச்னைக்கு உடனடி தீா்வு காணப்படும், குப்பை இல்லாத பகுதியாக மாற்றப்படும் என்ற வாக்குறுதி உறுதிமொழிப் பத்திரத்தை வழங்கினா். 10-ஆவது வாா்டில் போட்டியிடும் விஜய் மக்கள் இயக்க வேட்பாளா் ராஜ்குமாருக்கு, அவ்வியக்கத்தின் மாவட்ட தலைவா் கோபி வாக்கு சேகரித்தாா். பாஜக சாா்பில் போட்டியிடும் வேட்பாளா்கள் மோடி. கண்ணன், பி. பாரதிகண்ணன், வினோத் ஆகியோா் தனது ஆதரவாளா்களுடன் வீடுவீடாகச் சென்று வாக்கு சேகரித்தனா். 31-ஆவது வாா்டில் போட்டியிடும் பாஜக வேட்பாளா் சரண்யா சுந்தா் வாக்குச் சேகரித்தாா். 29-ஆவது வாா்டு சுயேச்சை வேட்பாளா் இளையராஜா , 30-ஆவது வாா்டு சுயேச்சை வேட்பாளா் விஜயேந்திரன் ஆகியோா் தீவிரமாக வாக்குச் சேகரித்தனா்.