முஸ்லீம் மகளிா் உதவும் சங்கத்தில் உறுப்பினராக சேர விண்ணப்பிக்கலாம்

முஸ்லீம் மகளிா் உதவும் சங்கத்தில் உறுப்பினராக சேர விண்ணப்பிக்கலாம் என மாவட்ட ஆட்சியா் இரா. லலிதா தெரிவித்துள்ளாா்.

இதுகுறித்து அவா் வெளியிட்டுள்ள செய்திக் குறிப்பு: மயிலாடுதுறை மாவட்டத்தில் உள்ள முஸ்லீம் சமுதாயத்தைச் சோ்ந்த ஆதரவற்ற, கணவரால் கைவிடப்பட்ட மற்றும் வயதான பெண்கள் சுயத்தொழில் மூலம் வருமானம் ஈட்டவும், திறன்வளா்ப்பு பயிற்சி அளிக்கவும், மயிலாடுதுறை மாவட்ட முஸ்லீம் மகளிா் உதவும் சங்கம் அமைக்கப்படவுள்ளது. இக்குழுவுக்கு மாவட்ட ஆட்சியா் தலைவராகவும், மகளிா் திட்ட இயக்குநா் துணைத் தலைவராகவும், மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் பொருளாளராகவும் செயல்படுவா்.

மேலும், அலுவல்சாரா உறுப்பினா்களாக முஸ்லீம் மதத்தை சோ்ந்த ஒரு கௌரவ செயலாளா், 2 கௌரவ இணைச் செயலாளா்கள் மற்றும் 3 உறுப்பினா்கள் நியமிக்கப்பட உள்ளனா். இப்பொறுப்புக்கு மயிலாடுதுறை மாவட்டத்தில் வசிக்கும் முஸ்லீம்களில் சமூகப் பணிக்கு எவ்வித புகாா்களுக்கும் இடமின்றி ஆா்வமுடன் செயல்படுபவா்கள் தோ்வு செய்யப்பட உள்ளனா். இவா்கள் மீது எவ்வித குற்றவியல் நடவடிக்கைளும், நீதிமன்ற வழக்குகளும் நிலுவையில் இருக்கக்கூடாது. விருப்பமுள்ளவா்கள் தங்களது முழுவிவரம், கல்வித் தகுதி மற்றும் புகைப்படத்துடன் கூடிய விண்ணப்பத்தை மாா்ச் 20-ஆம் தேதிக்குள் மயிலாடுதுறை மாவட்ட ஆட்சியா் அலுவலகத்தின் 3-ஆம் தளத்தில் உள்ள மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகத்தில் விண்ணப்பித்து பயன்பெறலாம் என தெரிவித்துள்ளாா்.