ஸ்ரீமிர்திஞ்ஜீஸ்வரர்  கோயிலில் இன்று  குடமுழுக்கு விழா

சீர்காழி அருகேயுள்ள தொல்காப்பியக்குடிஸ்ரீஅகிலாண்டேஸ்வரி அம்மன் ஸமேத  ஸ்ரீமிர்திஞ்ஜீஸ்வரர் சுவாமி கோயில் குடமுழுக்கு விழா வியாழக்கிழமை (செப்.6) நடைபெறுகிறது.
இந்து சமய அறநிலையத்துறைக்கு சொந்தமான ஸ்ரீஅகிலாண்டேஸ்வரி அம்மன் சமேத  ஸ்ரீமிர்திஞ்ஜீஸ்வரர் என்கிற மூர்த்திராஜமுடையார்  சுவாமி கோயில் குடமுழுக்கு செய்ய தீர்மானிக்கப்பட்டு, திருப்பணிகள் முடிக்கப்பட்டன.
 இதையடுத்து, செவ்வாய்க்கிழமை அனுக்ஞை விக்னேஸ்வரபூஜைகள், நவகிரஹ ஹோமம், பூர்ணாஹூதீ நடைபெற்று யாகசாலை பூஜைகள் தொடங்கியது. தொடர்ந்து, புதன்கிழமை 2 மற்றும் 3-ஆம் கால யாகசாலை பூஜைகள் நடைபெற்றது. 
வியாழக்கிழமை (செப்.6) 4-ஆம் கால பூஜைகள் நிறைவு பெற்று காலை 9.30 மணியளவில் விமான குடமுழுக்கு,  மூலவர் குடமுழுக்கு நடைபெறவுள்ளது.