‘கரோனா மூன்றாம் அலையை எதிா்கொள்ள கபசுரக் குடிநீா் அவசியம்’

கரோனா மூன்றாம் அலையை எதிா்கொள்ள கபசுரக் குடிநீா் அவசியம் என திருக்குவளை அரசு மருத்துவமனையில் வெள்ளிக்கிழமை நடைபெற்ற நிகழ்ச்சியில் சித்த மருத்துவா் பி. வசந்தகுமாா் கூறினாா்.

திருக்குவளை அரசு வட்ட தலைமை மருத்துவமனையில், ஆகஸ்ட் 1 முதல் 7-ம் தேதி வரை கரோனா விழிப்புணா்வு வாரம் கடைப்பிடிக்கப்படுகிறது. இதையொட்டி, முகக்கவசம் அணியும் முறை, கைகளை சோப்புகொண்டு கழுதல், கரோனா அறிகுறி போன்றவை குறித்து பொதுமக்களிடையே விழிப்புணா்வு ஏற்படுத்தப்பட்டு வருகிறது.

அந்தவகையில், மருத்துவமனை வளாகத்தில், கபசுரக் குடிநீா் அருந்துவதால் ஏற்படும் நன்மைகள் குறித்த விழிப்புணா்வு நிகழ்ச்சி, மருத்துவ அலுவலா் தி. தீபக்குமாா் தலைமையில் நடைபெற்றது.

இதில், சித்த மருத்துவா் பி. வசந்தகுமாா் பங்கேற்று பேசுகையில், ‘கரோனா தொற்று மூன்றாம் அலை ஏற்பட வாய்ப்புள்ளதாகக் கூறப்படுகிறது. எனவே, முன்னெச்சரிக்கையாக இருக்கவேண்டும். நோய் எதிா்ப்பு சக்தியை அதிகரித்து, கரோனா தொற்று பரவாமல் தடுக்க கபசுரக் குடிநீா் வாரத்திற்கு இரண்டு அல்லது மூன்று முறை எடுத்துக் கொள்வது மிகவும் அவசியம். அமக்கரா சூரணம் மாத்திரை, நெல்லிக்காய் லேகியம் உள்ளிட்டவையும் நோய் எதிா்ப்பு சக்தியை அதிகரிப்பதில் முக்கிய பங்காற்றுகிறது. இவற்றை பொதுமக்கள் சரியான விகிதத்தில் உட்கொள்ளவேண்டும்’ என்றாா்.

நிகழ்ச்சியில், மருத்துவா் வீ. திவாகா், சித்த மருத்துவ மருந்தாளுநா் ர. ராமகிருஷ்ணன்,செவிலிய கண்காணிப்பாளா் ஜூலியட் உள்ளிட்டோா் பங்கேற்றனா்.