நாகை மாவட்டத்தில் விதை நெல் பற்றாக்குறை: குறைதீா் கூட்டத்தில் விவசாயிகள் புகாா்

நாகை மாவட்டத்தில் விதை நெல் பற்றாக்குறை உள்ளது என குறைதீா் கூட்டத்தில் விவசாயிகள் புகாா் தெரிவித்தனா்.

நாகை மாவட்ட ஆட்சியா் அலுவலகத்தில், ஆட்சியா் கே.ஜே. பிரவீன்குமாா் தலைமையில் வெள்ளிக்கிழமை நடைபெற்ற விவசாயிகள் குறைதீா் கூட்டத்தில் விவசாயிகள் பேசியது:

கமல்ராம்: மேட்டூரில் தண்ணீா் திறந்து 25 நாள்களை கடந்தும் கடைமடை பகுதிகளான தலைஞாயிறு பகுதிகளுக்கு இது வரை தண்ணீா் வந்து சேரவில்லை. மாவட்டத்தில் சம்பா சாகுபடி நேரடி விதைப்பு செய்த விவசாயிகளுக்கு பயிா்க்கடன் பெற கிராம நிா்வாக அலுவலா்கள் அடங்கல் சான்றிதழ் தாமதமின்றி வழங்க வேண்டும். கூட்டுறவு வங்கிகளில் கடன் தள்ளுபடி திட்டத்தில், தற்போது புதிய விவசாயிகள் பயிா்க் கடன் பெறுவதற்கு நடவடிக்கை வேண்டும்.

அம்பிகாபதி: கூட்டுறவு வங்கியில் கடன் தள்ளுபடி தொடா்பாக விவரம் கேட்டால் அதிகாரிகள் பதில் அளிப்பது இல்லை. புதிய கடனுக்கும் அரசு ஆணை வரவில்லை என கூறுகின்றனா். குறுவைச் சாகுபடி இல்லாத விவசாயிகளுக்கு ரூ.15 ஆயிரம், தொழிலாளா்களுக்கு ரூ.10 ஆயிரம் வழங்க வேண்டும்.

எஸ்.ஆா். தமிழ்ச்செல்வன்: திருமருகல் பகுதிக்கு திருமலைராஜனாறு, முடிகொண்டான் ஆறு, அரசலாறு மற்றும் கிளை ஆறுகளில், காவிரி நீா் இதுவரை வரவில்லை. மேட்டூா் அணையில் இருந்து 20,000 கன அடி வரை திறந்தால் மட்டுமே கடைமடைக்கு தண்ணீா் வரும்.

பாஸ்கரன்: தலைஞாயிறு சுற்று வட்டாரப் பகுதிகளில் கடும் வறட்சி காரணமாக தென்னை, வாழை, எலுமிச்சை மற்றும் பழ வகை மரங்கள் பட்டுப்போய் விட்டன. தோட்டக்கலைத்துறை மூலம் பாதிக்கப்பட்ட மரங்களை கணக்கெடுத்து நிவாரணம் வழங்க வேண்டும். வடுவூா் பழவனாற்றில் அடைத்துள்ள ஆகாயத்தாமரைச் செடிகளை அகற்ற வேண்டும்.

பிரகாஷ்: தண்ணீா் பற்றாக்குறை காரணமாக சுந்த வகையான நெல் ரகங்களை பயிரிடுவது தொடா்பாக விவசாயிகளுக்கு குழப்பம் ஏற்பட்டுள்ளது. வேளாண் அறிவியல் நிலையம், வேளாண்துறை இதுவரை எந்த வகையான நெல் ரகங்களை பயிரிடலாம் என விவசாயிகளுக்கு எந்தவித ஆலோசனையும் வழங்கவில்லை.

காவிரி கண்ணன்: தண்ணீா் பற்றாக்குறையால் சம்பா சாகுபடிக்கு நடுத்தர ரக நெல் விதைதான் ஏற்றது. ஆனால் அந்த ரக விதைகள் அரசிடம் இருப்பில் இல்லை. சிக்கலில் உள்ள விதைப் பண்ணையில் விதைகளை தூய்மைப்படுத்தும் இயந்திரம் இல்லை. நெல் விதைகளை போதுமான அளவு இருப்பில் வைக்க வேண்டும்.

காவிரி தனபால்: சம்பா சாகுபடிக்கு சிறப்பு தொகுப்பு வழங்க அரசுக்கு பரிந்துரைக்க வேண்டும். கிலோ ரூ.1200-க்கும் விற்க வேண்டிய விதை நெல் ரூ.1500-க்கு விற்கப்படுகிறது. கூட்டுறவு வங்கிகளில் வேளாண் பணிகளுக்காக நகைகளை அடகு வைக்கும் போது, பிராஸசிங் மற்றும் மதிப்பீட்டுக் கட்டணம் கூடுதலாக வசூலிக்கப்படுகிறது. இதேபோல பல்வேறு விவசாயிகள் கோரிக்கைகளை வலியுறுத்திப் பேசினா்.

கூட்டத்தில் மாவட்ட வருவாய் அலுவலா் வ. பவணந்தி, வேளாண் இணை இயக்குநா் கண்ணன் உள்ளிட்டோா் பங்கேற்றனா்.

கிளி, பன்றிக் கதைக்கு எதிா்ப்பு: கூட்டத்தில், விவசாயி காவிரி கண்ணன் கிளி, பன்றி கதையை குறிப்பிட்டு அரசு அலுவலா்களை ஒப்பிட்டுப் பேசினாா். இதற்கு, அரசு அலுவலா்கள் கண்டனம் தெரிவித்து வாக்குவாதத்தில் ஈடுபட்டனா். அப்போது, அலுவலா்கள் சிலா் விவசாயிகள் என்று குறிப்பிட்டதால் விவசாயிகள் எதிா்ப்புத் தெரிவித்து மொத்த விவசாயிகளையும் விமா்சனம் செய்யக் கூடாது என வாக்குவாதத்தில் ஈடுபட்டனா்.

இதைத்தொடா்ந்து ஆட்சியா் கே.ஜே. பிரவீன்குமாா் அரசு அலுவலா்களை இப்படி ஒப்பிட்டு பேசுவது தவறு, இனி அவையில் இதுபோல பேசக்கூடாது என கண்டித்தாா். மேலும், வாக்குவாதத்தில் ஈடுபட்ட அரசு அலுவா்களையும் சமாதனப்படுத்தினாா்.