மாவட்ட காவல் கண்காணிப்பாளர் ஆய்வு

நீடாமங்கமலத்தில் வியாழக்கிழமை, திருவாரூர் மாவட்ட காவல் கண்காணிப்பாளர் விக்ரமன் நேரில் ஆய்வு மேற்கொண்டார்.
நீடாமங்கலம் காவல் நிலையத்துக்கு வந்த அவர் காவல் சரகத்தின் சட்டம் ஒழுங்குப் பிரச்னைகள், இரவு ரோந்துப் பணிகள்  உள்ளிட்ட விவரங்களை கேட்டறிந்தார். நீடாமங்கலத்தில், கூட்டங்கள், ஆர்ப்பாட்டங்கள் நடைபெறும் இடங்கள் குறித்து கேட்டறிந்த அவர் அந்த இடத்தை நேரில் பார்வையிட்டார். நிலைய காவலர்களிடம் குறைகள் ஏதேனும் உள்ளனவா என்று கேட்டறிந்தார். ஆய்வின்போது, மன்னார்குடி காவல் துணைக் கண்காணிப்பாளர் அசோகன், நீடாமங்கலம்  காவல் ஆய்வாளர் பழனிச்சாமி, உதவி ஆய்வாளர் பாலமுத்தையா ஆகியோர் உடனிருந்தனர்.