உடற்கல்வி ஆசிரியர்களுக்கு பயிற்சி முகாம்

திருவாரூரில் தமிழ்நாடு விளையாட்டு மேம்பாட்டு  ஆணையம் சார்பில், மாவட்ட பள்ளிகளில் பணிபுரியம் 50 உடற்கல்வி ஆசிரியர்களுக்கு புதிய விளையாட்டுகளின் நுணுக்கங்கள் குறித்த 3 நாள் பயிற்சி முகாம் புதன்கிழமை நிறைவடைந்தது.
திருவாரூர் மாவட்ட விளையாட்டரங்கில் செப். 10 முதல் 12 -ஆம் தேதி வரை நடைபெற்ற இந்த முகாமில், கேரம், நீச்சல், சதுரங்கம், குத்துச்சண்டை, சிலம்பம், வாள் சண்டை, ஜூடோ, டேக்வாண்டோ, யோகா, கடற்கரை யையுந்து பந்து ஆகிய விளையாட்டுகளில் சிறந்த வல்லுநர்களைக் கொண்டு பயிற்சி அளிக்கப்பட்டன.
பயிற்சியின் முடிவில் நடைபெற்ற விழாவுக்கு மாவட்ட முதன்மைக் கல்வி அலுவலர் என். மாரிமுத்து தலைமை வகித்து பங்கேற்ற ஆசிரியர்களுக்கு சான்றிதழ்களை வழங்கினார். நிகழ்ச்சியில், மாவட்ட உடற்கல்வி ஆய்வர் ஜெயச்சந்திரன், திருவாரூர் மாவட்ட விளையாட்டு மற்றும் இளைஞர் நலன் அலுவலர் க. பாபு, ஹாக்கி பயிற்றுநர் ரோஸ் பாத்திமா மேரி உள்ளிட்ட பலர் பங்கேற்றனர்.