கூத்தாநல்லூர் நகர திமுக செயல்வீரர்கள் கூட்டம் 

கூத்தாநல்லூர் நகர திமுக செயல்வீரர்கள் கூட்டம் திங்கள்கிழமை இரவு நடைபெற்றது.
கூட்டத்துக்கு நகர திமுக அவைத் தலைவர் எஸ்.வி. பக்கிரிசாமி தலைமை வகித்தார். நகர செயலாளர் எஸ்.எம். காதர் உசேன் முன்னிலை வகித்தார். மாவட்ட பிரதிநிதி ஜெ. குமரேசன் வரவேற்றார். கூட்டத்தில், பெட்ரோல், டீசல் விலை உயர்வு விவகாரத்தில் மத்திய அரசைக் கண்டித்தும், கடைமடை  வாய்க்காலுக்கு தண்ணீர்  வருவதற்கு வழிவகை செய்யத் தவறியதாக மாநில அரசைக் கண்டித்தும் தீர்மானங்கள் நிறைவேற்றப்பட்டது. மேலும், விழுப்புரத்தில் நடைபெறவுள்ள திமுக மாநாட்டில் திரளானோர் பங்கேற்பது என்றும், திருவாரூர் சட்டப் பேரவைத் தொகுதி இடைத் தேர்தல், நாடாளுமன்றத் தேர்தல் மற்றும் உள்ளாட்சித் தேர்தலில் வெற்றி பெற தயாராக இருக்க வேண்டுமென உறுதி ஏற்கப்பட்டது. 
கூட்டத்தில், திமுக வர்த்தக அணி அமைப்பாளர் ரவிச்சந்திரன், நகர துணைச் செயலாளர் சச்சு ஆனந்தன் உள்ளிட்டோர் பங்கேற்றனர். நகர பொருளாளர் அமீர்தீன் நன்றி கூறினார்.