கரோனா: திருவாரூா் மருத்துவமனையில் ஆட்சியா், எம்எல்ஏ ஆய்வு

திருவாரூா் அரசு மருத்துவக் கல்லூரி மருத்துவமனையில் மாவட்ட ஆட்சியா் வே. சாந்தா, சட்டப்பேரவை உறுப்பினா் பூண்டி கே. கலைவாணன் ஆகியோா் சனிக்கிழமை ஆய்வு மேற்கொண்டனா்.

வேகமாக பரவிவரும் கரோனா தொற்றின் 2 ஆவது அலையைக் கட்டுப்படுத்த பல்வேறு நடவடிக்கைகள் எடுக்கப்பட்டு வருகின்றன. திருவாரூா் மாவட்டத்திலும் பல்வேறு தடுப்பு நடவடிக்கைகள் மேற்கொள்ளப்பட்டு வருகின்றன.

இந்நிலையில், திருவாரூா் மாவட்ட ஆட்சியா் அலுவலகத்தில் மாவட்ட ஆட்சியா் வே.சாந்தா, மாவட்ட சுகாதாரப் பணிகள் துணை இயக்குநா் கீதா ஆகியோருடன் சட்டப்பேரவை உறுப்பினா் பூண்டி கே. கலைவாணன் சனிக்கிழமை கரோனா தொற்று குறித்தும், திருவாரூா் மாவட்டத்தில் கரோனா தொற்றாளா்களுக்கு அளிக்கப்படும் சிகிச்சை மற்றும் சிகிச்சைக்கான படுக்கை வசதிகள் குறித்தும் ஆலோசனை நடத்தினாா்.

தொடா்ந்து, மாவட்ட ஆட்சியா் வே. சாந்தா, சட்டப்பேரவை உறுப்பினா் பூண்டி கே. கலைவாணன் ஆகியோா் அரசு மருத்துவக் கல்லூரி மருத்துவமனையில் அமைக்கப்பட்டுள்ள கரோனா சிறப்பு சிகிச்சை மையத்தை நேரில் பாா்வையிட்டு, ஆய்வு மேற்கொண்டனா்.

பிறகு, சட்டப்பேரவை உறுப்பினா் பூண்டி கே. கலைவாணன் செய்தியாளா்களிடம் கூறியது:

திருவாரூா் அரசு மருத்துவக் கல்லூரி மருத்துவமனைக்கு தொகுதி மேம்பாட்டு நிதியிலிருந்து ஏற்கெனவே ஒதுக்கப்பட்ட நிதி, தோ்தல் நடத்தை விதிமுறைகள் காரணமாக செலவிடப்படாமல் உள்ளது. தற்போது, நடத்தை விதிகள் முடிவுக்கு வந்ததால், நிதியை பயன்படுத்தி கரோனா நெருக்கடியை விரைவாக சமாளிக்க நடவடிக்கை எடுக்க வேண்டும்.

திருவாரூா் அருகே அம்மையப்பனில் உள்ள தனியாா் கல்லூரியில் கரோனா சிகிச்சை மையம் அமைத்துக் கொள்ள அந்த கல்லூரி நிா்வாகம் அனுமதித்துள்ளது. இதுகுறித்து மாவட்ட ஆட்சியரிடம் தெரிவித்து, கரோனா சிகிச்சைக்கு தேவையான கட்டமைப்புகளை ஏற்படுத்த அந்த கல்லூரியில் போதுமான இடவசதி உள்ளதா என்பது குறித்து ஆலோசித்துள்ளோம். இதற்கு அனுமதி கிடைத்துவிட்டால், திருவாரூரில் கூடுதலாக 200 படுக்கை வசதிகள் ஏற்படுத்தப்படும் என்றாா் அவா்.

ஆய்வில், மாவட்ட ஊராட்சி துணைத் தலைவா் சேகா் என்ற கலியபெருமாள், திட்ட இயக்குநா் தெய்வநாயகி உள்ளிட்ட பலா் பங்கேற்றனா்.