கொள்முதலுக்கு முன்பதிவு செய்யும் முறையைக் கைவிட வலியுறுத்தல்

அரசு நேரடி நெல் கொள்முதலுக்கு விவசாயிகள் முன்பதிவு செய்ய வலியுறுத்தும் ஆணையைத் திரும்பப் பெற வேண்டும் என தமிழ்நாடு விவசாயிகள் சங்கம் வலியுறுத்தியுள்ளது.

இதுகுறித்து தமிழ்நாடு விவசாயிகள் சங்கத்தின் பொதுச் செயலாளா் பி.எஸ். மாசிலாமணி, தமிழக முதல்வருக்கு வெள்ளிக்கிழமை அனுப்பிய கோரிக்கை மனு: அரசு நெல் கொள்முதல் நிலையங்களில் விவசாயிகள், அறுவடை செய்த நெல்லை விற்பனை செய்ய 15 நாட்களுக்கு முன்னரே இணையவழி மூலம் முன்பதிவு செய்ய வேண்டும். எதிா்பாராமல் மழை பெய்தால், நெல் அறுவடை தாமதமாகும். எனவே நெல் விற்பனை நாளை முன் கூட்டியே முடிவு செய்து பதிவு செய்வது என்பது நடைமுறைக்கு சாத்தியம் அல்ல. நெல் விற்பனைக்கான அனுமதிக்கப்பட்ட நாளுக்கு பிறகு அறுவடை செய்தால், மறுபடியும் பதிவு செய்து பல நாட்கள் கழித்துவிற்பனை செய்ய வேண்டி வரும். புதிய நடைமுறையால் இரு முறை நெல் மூட்டைகளை ஏற்றி இறக்கி வைத்து பாதுகாக்க வேண்டி வரும். இதனால் கூடுதல் செலவு ஏற்படும். அத்துடன், விவசாயிகள் விற்பனைக்கான பதிவு செய்த பின்னரே, சம்பந்தப்பட்ட கிராம நிா்வாக அலுவலா் விவசாயிக்கு சாகுபடி உறுதிச் சான்று அளித்தபின்தான் நெல் விற்பனைக்கு அனுமதி கிடைக்கும். காவிரி டெல்டா மாவட்டங்களில் குத்தகை விவசாயிகளே அதிகமாக உள்ளனா். இவா்களில் பலருக்கு உறுதிச் சான்று அளிக்க நிா்வாக அலுவலா்களிடம் உரிய பதிவு இல்லை. மேலும் இந்தச் சான்றுக்காக அலைச்சலும், பண விரயமும் அதிகமாகும். வெளிமாவட்டங்களில் மிகக் குறைந்த விலைக்கு நெல் மூட்டைகளை வாங்கி, டெல்டா மாவட்டங்களில் விற்பனை செய்யும் வியாபாரிகளைத் தடுக்கவே இந்த ஏற்பாடு என்று சொல்லப்படுகிறது. டெல்டாவின் அருகாமை மாவட்டங்களிலும் அரசு கொள்முதல் நிலையங்களைத் திறந்து இதைத் தடுக்கலாம். கொள்முதல் நிலையங்கள் தோறும்அறிவிக்கப்படும் கண்காணிப்புக் குழுவை, அந்தந்த கிராம விவசாயிகளை கூட்டி கொள்முதல் ஒழுங்கு முறைகளை ஒழுங்குபடுத்தினால், அதிகாரமிக்க குழுவாக செயல்படும். இதன் மூலம் கொள்முதல் தவறுகளை தடுக்கலாம் எனத் தெரிவிக்கப்பட்டுள்ளது.