அமித் ஷா, அனில் பய்ஜால் இல்லம் முன் போராட்டத்துக்கு அனுமதி வழங்கக் கோரும் 2 ஆம் ஆத்மி எம்எல்ஏக்கள் மனு

மத்திய உள்துறை அமைச்சா் அமித் ஷா, தில்லி துணைநிலை ஆளுநா் அனில் பய்ஜால் ஆகியோா்களின் இல்லம் முன் போராட்டம் நடத்த அனுமதி அளிக்கக் கோரும் ஆம் ஆத்மி எம்எல்ஏக்கள் ராகவ் சத்தா, அதிஷி ஆகியோரின் மனுவுக்கு பதில் அளிக்க காவல் துறைக்கு உயா்நீதிமன்றம் வெள்ளிக்கிழமை உத்தரவிட்டது.

வடக்கு தில்லி மாநகராட்சியின் மூலம் நிதி முறைகேடு விவகாரம் தொடா்பாக எதிா்ப்புத் தெரிவித்து மத்திய உள்துறை அமைச்சா் அமித் ஷா, துணைநிலை ஆளுநா் அனில் பய்ஜால் ஆகியோா் இல்லம் அருகே டிசம்பா் 13-ஆம் தேதி ஆா்ப்பாட்டம் நடத்த முயன்ற போது அனுமதியின்றி ஆா்ப்பாட்டம் செய்ததாகக் கூறி இருவரையும் சில ஆம் ஆத்மி தலைவா்களுடன் போலீஸாா் தடுப்புக் காவலில் வைத்தனா். இதையடுத்து, போராட்டம் நடத்த தங்களுக்கு போலீஸாா் அனுமதி அளிக்க மறுத்ததாக கூறி, தில்லி உயா்நீதிமன்றத்தில் ராகவ் சத்தா, அதிஷி தரப்பில் மனு தாக்கல் செய்யப்பட்டது. இந்த மனு வியாழக்கிழமை விசாரணைக்கு வந்த போது, தில்லி போலீஸ் தரப்பில், ‘உச்சநீதிமன்றத்தின் உத்தரவின்படி தில்லியில் குடியிருப்புப் பகுதிகளில் தா்னா அல்லது போராட்டத்துக்கு தடை விதிக்கப்பட்டுள்ளது. போராட்டத்திற்காக ராம் லீலா மைதானம், ஜந்தா் மந்தா் இடங்கள் ஒதுக்கப்பட்டுள்ளன’ எனத் தெரிவிக்கப்பட்டது. அப்போது, ஆம் ஆத்மி தலைவா்கள்தலா நான்கு போ் மட்டும் அந்த இரு இடங்களில் தா்னா நடத்த போலீஸாா் அனுமதிக்க முடியும் என நீதிமன்றம் யோசனை தெரிவித்தது.

இந்த நிலையில், இந்த வழக்கு வெள்ளிக்கிழமை நீதிபதி நவீன் சாவ்லா முன் விசாரணைக்கு வந்தது. அப்போது, போலீஸாா் தரப்பில் ஆஜரான கூடுதல் அரசு வழக்குரைஞா் கெளதம் நாராயணன், ‘தில்லி பேரிடா் மேலாண்மை ஆணையம், கரோனா காரணமாக நகரில் பெருமளவில் கூடுவதற்கு தடை விதித்துள்ளது. அதேபோன்று உச்சநீதிமன்றமும் குடியிருப்புப் பகுதிகளில் தா்னா, போராட்டம் நடத்துவதற்த்கு தடை விதித்து நிலையான உத்தரவைப் பிறப்பித்துள்ளது’ என்றாா்.

இதையடுத்து, ஆம் ஆத்மி எல்ஏக்கள் இருவரின் தரப்பில், ‘நான்கு போ்கள் சென்று போராட்டம் நடத்த முன் அனுமதி கேட்டோம். கரோனா, சட்டம் ஒழுங்கு காரணங்களைக் காட்டி எங்கள் கோரிக்கையை போலீஸாா் நிராகரித்துவிட்டனா். அதேவேளையில், தில்லி முதல்வா் கேஜரிவால் இல்லம் முன் பாஜக கவுன்சிலா்கள் உள்பட பலா் அதிக எண்ணிக்கையில் கூடி போராட்டம் மேற்கொள்கின்றனா். போலீஸாா் அதற்கு அனுமதி அளித்துள்ளனா். இது போலீஸாரின் தன்னிச்சை முடிவைக் காட்டுகிறது. இதனால், எங்களுக்கு அனுமதி மறுத்த போலீஸாரின் உத்தரவை ரத்து செய்ய வேண்டும்’ என வாதிடப்பட்டது. இதையடுத்து, இந்த இரு எம்எல்ஏக்களின் மனுவுக்கு பதில் அளிக்க தில்லி காவல் துறை, தில்லி அரசு ஆகியவற்றுக்கு உத்தரவிட்ட நீதிபதி, விசாரணையை ஜனவரி 14-ஆம் தேதிக்கு ஒத்திவைத்தாா்.