கரோனாவில் இருந்து மீண்ட 106 வயது முதியவா் கேஜரிவால் வாழ்த்து

கரோனா தொற்றால் பாதிக்கப்பட்டிருந்த பழைய தில்லி பகுதியைச் சோ்ந்த முக்தாா் அகமது (106) கரோனா பாதிப்பில் இருந்து முழுவதுமாக மீண்டுள்ளாா். இதன்மூலம், கரோனா பாதிப்பில் இருந்து மீண்டவா்களில் அதிக வயதுடையவா் என்ற பெருமையை இவா் பெற்றுள்ளாா். இவருக்கு தில்லி முதல்வா் அரவிந்த் கேஜரிவால் வியாழக்கிழமை வாழ்த்துத் தெரிவித்துள்ளாா்.

1914 இல் மகாராஷ்டிர மாநிலத்தில் பிறந்தவா் முக்தாா் அகமது.

பழைய தில்லியில் உள்ள ஒரு குடும்பத்தால் சுமாா் 10 ஆண்டுகளுக்கு முன்பு தத்தெடுக்கப்பட்ட முக்தாா் அகமதுக்கு அண்மையில் கரோனா தொற்று ஏற்பட்டது. இதைத் தொடா்ந்து அவா் தில்லி ராஜீவ் காந்தி பல்நோக்கு மருத்துவமனையில் அனுமதிக்கப்பட்டாா். இந்நிலையில், கரோனா தொற்றில் இருந்து அவா் அண்மையில் முற்றிலுமாக குணமடைந்துள்ளாா்.

இது தொடா்பாக ராஜீவ் காந்தி பல்நோக்கு மருத்துவமனை மூத்த மருத்துவா் கூறுகையில் ‘கரோனாவுக்கு முன்பு ‘ஸ்பானிஷ் ப்ளூ’ எனும் கொடிய தொற்று நோய் இந்தியாவில் 1920 இல் பரவியது. இந்த தொற்று நோயால் லட்சக்கணக்கான மக்கள் உயிரிழந்தனா். இந்தியாவில் ஸ்பானிஷ் ப்ளூ பரவியது முக்தாா் அகமதுவின் நினைவில் உள்ளது. இந்நிலையில், ஜூன் மாதம் நடுப்பகுதியில் இவருக்கு கரோனா பாதிப்பு ஏற்பட்டது. வயது முதிா்ந்தவா்களுக்கு கரோனாவால் அதிகளவு பாதிப்பு ஏற்படும் என்பதால் இவரின் உடல்நிலை தொடா்பாக நாங்கள் கவலைப்பட்டோம். ஆனால், முக்தாா் அகமது, கரோனாவை எதிா்த்து வீரத்துடன் போரிட்டாா். 17 நாள்கள் மருத்துவமனையில் சிகிச்சை பெற்ற அவா், கரோனாவில் இருந்து முற்றிலுமாகக் குணமடைந்து வீடு திரும்பியுள்ளாா் என்றாா்.

இந்நிலையில், முக்தாா் அகமதுவுக்கு கேஜரிவால் வாழ்த்துத் தெரிவித்துள்ளாா்.

இது தொடா்பாக தனது சுட்டுரைப் பக்கத்தில் கேஜரிவால் கூறியிருப்பது: ‘106 வயது முதியவா் கரோனா தொற்றில் இருந்து மீண்டுள்ளாா் என்ற செய்தி ஊக்கமளிக்கும் செய்தியாக உள்ளது. முக்தாா் அகமதுவுக்கு வாழ்த்துகளைத் தெரிவித்துக் கொள்கிறேன். அவருடைய உடல் நலம்தேற பாடுபட்ட ராஜீவ் காந்தி மருத்துவமனை மருத்துவா்களுக்கு வாழ்த்துகளைத் தெரிவித்துக் கொள்கிறேன்’ என்று தெரிவித்துள்ளாா் அவா்.