ஆம் ஆத்மி எம்எல்ஏ பிரகாஷ் ஜா்வால் ஜாமீன் மனு மீது இன்று உத்தரவு

தெற்கு தில்லியில் மருத்துவா் தற்கொலை செய்து கொண்ட விவகாரத்தில் கைது செய்யப்பட்டுள்ள ஆம் ஆத்மி கட்சி எம்எல்ஏ பிரகாஷ் ஜா்வாலின் இடைக்கால ஜாமீன் மனு மீது தில்லி நீதிமன்றம் வெள்ளிக்கிழமை உத்தரவு பிறப்பிக்கவுள்ளது. தனது மாமனாரின் இறுதிச் சடங்கில் பங்கேற்கும் வகையில் எம்எல்ஏ தரப்பில் இடைக்கால ஜாமீன் கோரி மனு தாக்கல் செய்யப்பட்டுள்ளது.

தெற்கு தில்லி, துா்கா விஹாா் பகுதியைச் சோ்ந்தவா் ராஜேந்திர சிங் (52). மருத்துவரான இவா், கடந்த ஏப்ரல் 18-ஆம் தேதி தற்கொலை செய்து கொண்டாா். இவா் எழுதி வைத்திருந்த கடிதத்தில் தனது சாவுக்கு தியோலி சட்டப் பேரவைத் தொகுதியைச் சோ்ந்த ஆம் ஆத்மி எம்எல்ஏ பிரகாஷ் ஜா்வால்தான் காரணம் என குற்றம்சாட்டியிருந்ததாகக் கூறப்படுகிறது. இதையடுத்து, பிரகாஷ் ஜா்வால் கைது செய்யப்பட்டாா்.

அவா் ஜாமீன் கோரி தில்லி நீதிமன்றத்தில் மனு தாக்கல் செய்திருந்தாா். இது தொடா்பாக நடைபெற்ற விசாரணையின் போது ஜா்வால் தரப்பில் ‘தற்கொலைக்கான காரணம் குறித்து எழுதப்பட்டிருந்த கடிதத்தில் வெவ்வேறு விதமாக குறிப்பிடப்பட்டிருக்கிறது. தற்கொலை செய்து கொண்ட நபா் ஒரு டேங்கா் மாஃபியா. அவா் டிவி சானல் மூலம் ரகசிய கேமராவில் படம்பிடிக்கப்பட்ட பிறகு கறுப்புப் பட்டியலில் வைக்கப்பட்டிருந்தாா். வழக்கில் தொடா்புடைய நபா் எம்எல்ஏவாக இருப்பதால், எங்கும் தப்பிச் செல்லமாட்டாா். அதனால், அவருக்கு ஜாமீன் வழங்க வேண்டும்’ என்றாா். அவரது ஜாமீன் மனுவை நீதிமன்றம் மே 28-ஆம் தேதி நிராகரித்து உத்தரவிட்டது.

இந்நிலையில், இடைக்கால ஜாமீன் கோரும் மனு ஜா்வால் தரப்பில் நீதிமன்றத்தில் தாக்கல் செய்யப்பட்டது. இந்த மனு மீது வியாழக்கிழமை நடந்த விசாரணையின் போது எம்எல்ஏ தரப்பில் ஆஜரான வழக்குரைஞா், ‘எம்எல்ஏ ஜா்வாலின் மாமானா் கடந்த சில தினங்களாக மூச்சுத் திணறலால் அவதியுற்று வந்தாா். மருத்துவமனையில் அனுமதிக்கப்பட்டிருந்தாா்.

இந்நிலையில், எல்என்ஜேபி மருத்துவமனையில் சிகிச்சையில் இருந்த போது அவா் இறந்துவிட்டாா். அவருக்கு கரோனா தொற்று இருக்கலாம் என சந்தேகிக்கப்படுவதால் நோய் மாதிரிகள் பரிசோதனைக்காக எடுக்கப்பட்டுள்ளன. எம்எல்ஏவின் மனைவி, 11 மாத மகனும் கரோனா தொற்று சந்தேகம் காரணமாக தனிமைப்படுத்தப்பட்டுள்ளனா். மாமானாரின் இறுதிச் சடங்கின் போது மருமகன் இருக்க வேண்டும் என்பது ஹிந்து சம்பிரதாயமாகும். ஆகவே, ஜா்வாலுக்கு இடைக்கால ஜாமீன் வழங்க வேண்டும்’ என வாதிட்டாா்.

அரசுத் தரப்பு வழக்குரைஞா் வாதிடுகையில், ‘எம்எல்ஏவுக்கு எதிராக சாட்டப்பட்டுள்ள குற்றச்சாட்டுகள் தீவிரமானவை. மேலும், இன்னும் விசாரணை நடைபெற்று வருகிறது. ஆகவே, ஜாமீன் வழங்கக் கூடாது’ என்று வாதிடப்பட்டது. இரு தரப்பு வாதங்களைக் கேட்டறிந்த கூடுதல் செஷன்ஸ் நீதிபதி சஞ்சீவ் அகா்வால், ஜாமீன் மனு மீதான தீா்ப்பை வெள்ளிக்கிழமைக்கு (ஜூன் 5) ஒத்திவைத்தாா்.