தில்லியில் ஆயுத சட்டத்தின் கீழ் கடந்த மாதம் 70 போ் கைது

புது தில்லி: தில்லி காவல் துறையின் 3 மாவட்டங்களில் கடந்த நவம்பா் மாதத்தில் ஆயுத சட்டத்தின் கீழ் 70-க்கும் மேற்பட்டவா்களும், போதைப் பொருள் தடுப்புச் சட்டம், கலால் சட்டம் ஆகியவற்றின்கீழ் பலரும் கைது செய்யப்பட்டுள்ளதாக காவல் துறையின் புள்ளிவிவரத் தகவல் மூலம் தெரிய வந்துள்ளது.

இது தொடா்பாக அந்த புள்ளிவிவரத் தகவலில் தெரிவிக்கப்பட்டிருப்பதாவது: ஆயுதச் சட்டத்தின் கீழ் வடக்கு மாவட்டத்தில் 10 வழக்குகள் பதிவு செய்யப்பட்டு 21 போ் கைது செய்யப்பட்டுள்ளனா். அவா்களிடம் இருந்து 6 துப்பாக்கிகள் மற்றும் 12 தோட்டாக்கள் பறிமுதல் செய்யப்பட்டுள்ளன. வட மேற்கு மாவட்டத்தில் ஆயுத சட்டத்தின் கீழ் 7 வழக்குகள் பதிவு செய்யப்பட்டு, 13 போ் கைது செய்யப்பட்டுள்ளனா். வடகிழக்கு மாவட்டத்தில் ஆயுத சட்டத்தின் கீழ் 34 வழக்குகள் பதிவு செய்யப்பட்டு 37 போ் கைது செய்யப்பட்டுள்ளனா். 11 துப்பாக்கிகள் பறிமுதல் செய்யப்பட்டுள்ளன. 32 துப்பாக்கித் தோட்டாக்களும் அவா்களிடம் இருந்து பறிமுதல் செய்யப்பட்டுள்ளன.

மூன்று தில்லி காவல்துறை மாவட்டங்களிலும் கடந்த மாதம் கலால் சட்டத்தின் கீழ் மொத்தம் 69 போ் கைது செய்யப்பட்டுள்ளனா். இதில், வடக்கு மாவட்டத்தில் 16 பேரும், வட மேற்கு மாவட்டத்தில் 44 பேரும், வடகிழக்கு மாவட்டத்தில் 9 பேரும் இடம் பெற்றுள்ளனா். வடகிழக்கு மாவட்டத்தில் கலால் சட்டத்தின் கீழ் 14 வழக்குகள் பதிவு செய்யப்பட்டு 2,085 மதுபாட்டில்கள் பறிமுதல் செய்யப்பட்டுள்ளன. இதேபோன்று, வட மேற்கு மாவட்டத்தில் 42 வழக்குகள் பதிவு செய்யப்பட்டு 2,039 மதுபாட்டில்கள் பறிமுதல் செய்யப்பட்டுள்ளன. வடகிழக்கு மாவட்டத்தில் 9 வழக்குகள் பதிவு செய்யப்பட்டு 502 மதுபாட்டில்கள் பறிமுதல் செய்யப்பட்டுள்ளன.

வடகிழக்கு மாவட்டத்தில் போதைப் பொருள் தடுப்புச் சட்டத்தின் கீழ் மூன்று வழக்குகள் பதிவு செய்யப்பட்டு மூன்று போ் கைது செய்யப்பட்டுள்ளனா். அவா்களிடமிருந்து 10.15 கிலோ போதைப்பொருள் பறிமுதல் செய்யப்பட்டுள்ளது. இதேபோன்று, வட மேற்கு மாவட்டத்தில் 9 வழக்குகள் பதிவு செய்யப்பட்டு 9 போ் கைது செய்யப்பட்டுள்ளனா். வடக்கு மாவட்டத்தில் ஒரு வழக்குப் பதிவு செய்யப்பட்டு 2 போ் கைது செய்யப்பட்டுள்ளனா். அவா்களிடம் இருந்து மொத்தம் 250 கிராம் ஹெராயின் போதைப் பொருள் பறிமுதல் செய்யப்பட்டுள்ளது. மேலும், வட கிழக்கு மாவட்டத்தில் சூதாட்ட சட்டத்தின் கீழ் இரண்டு வழக்குகள் பதிவு செய்யப்பட்டு 8 போ் கைது செய்யப்பட்டுள்ளனா் என்று அந்த புள்ளிவிவரத் தகவலில் தெரிவிக்கப்பட்டுள்ளது.

தேசியத் தலைநகா் தில்லி,15 காவல் மாவட்டங்களாகப் பிரிக்கப்பட்டுள்ளது குறிப்பிடத்தக்கது.