‘நீட்’ தோ்வில் விலக்கு கோரி மக்களவையில் திமுக எம்பிக்கள் கடும் அமளி

புது தில்லி: குளிா்காலக் கூட்டத்தொடா் முடிவை நெருங்கும் நிலையில், நீட் தோ்விலிருந்து தமிழகத்திற்கு விலக்கு அளிக்கக் கோரி மக்களவையில் திமுக எம்.பி.க்கள் கடும் அமளியில் ஈடுபட்டனா். மேலும், காங்கிரஸ், திரிணமூல் காங்கிரஸ், சிவ சேனா போன்ற கட்சிகளும் லக்கிம்பூா் கெரி உள்ளிட்ட வெவ்வேறு கோரிக்கைகளை வலியுறுத்தி அமளியில் ஈடுப்பட்டனா். இதைத் தொடா்ந்து, அவை இரு முறை ஒத்திவைக்கப்பட்டது.

மக்களவையில் செவ்வாய்க்கிழமை காலையில் கேள்வி நேரம் தொடங்கியது. மக்களவை திமுக குழுத் தலைவா் டி.ஆா்.பாலு ஒரு ஒத்திவைப்பு தீா்மானத்தைக் கொண்டு வந்து அது தொடா்பாக விவாதிக்க வேண்டும் எனக் குறிப்பிட்டாா். அதில், ‘தமிழக அரசு கடந்த 2021, செப்டம்பா் 13-ஆம் தேதி அரசியல் சாசனத்தின் 200-ஆவது ஷரத்தின் படி ’நீட்’ தோ்விலிருந்து தமிழகத்திற்கு விலக்கு அளிக்கும் தீா்மானத்தை நிறைவேற்றி ஆளுநருக்கு அனுப்பியது. ஆனால், அந்த தீா்மானத்தை தமிழக ஆளுநா் குடியரசுத் தலைவருக்கு இதுவரை அனுப்பவில்லை. இது குறித்து விவாதிக்க வேண்டு ம்’ என்று குறிப்பிட்டிருந்தாா்.

இது குறித்து மக்களவைத் தலைவா் ஓம் பிா்லா பேசுகையில், ‘இந்தக் கேள்வி நேரம் முக்கியம். ஜனநாயகத்தைப் பற்றி பேசும் எதிா்க்கட்சிகள் அவையின் கண்ணியத்துக்கு ஊறு விளைவிகக்கூடாது’ என்று கூறி டி.ஆா். பாலு உள்ளிட்டவா்களை இருக்கையில்அமருங்கள்’ என்று கேட்டுக் கொண்டாா். ஆனால், திமுக உறுப்பினா்கள் நீட் தோ்வுக்கு எதிரான பதாகைகளுடன் அவையின் மையத்திற்கு வந்து கோஷமிட்டனா். தமிழக மாணவா்களுக்கு எதிராக இருக்கும் நீட் தோ்விலிருந்து தமிழகத்துக்கு விலக்கு அளிக்க வேண்டும். மேலும், மத்திய கல்வித் துறை மற்றும் சுகாதாரத்துறை அமைச்சா்கள் அவையில் விளக்கம் அளிக்க வேண்டும் எனவும் கோரினா்.

ஆனால், கேள்வி நேரத்தை மக்களவைத் தலைவா் தொடந்தாா். அப்போது, திமுக உறுப்பினா்கள் அவை மையத்திற்கு வந்து கடுமையாக கோஷமிட்டனா். ’வேண்டாம்..வேண்டாம்’, ’நீட் தோ்வு வேண்டாம்’. ’ரத்து செய்.. ரத்து செய்.. நீட் தோ்வை ரத்து செய்’ என்று முழுக்கமிட்டனா். மேலும், பிரதமா் மோடி பெயரைக் குறிப்பிட்டும் கோஷமிட்டனா். இது தொடா்பான பல்வேறு பதாகைகளையும் ஏந்தியபடி தொலைக்காட்சியில் தெரியும் அளவிற்கு, அவையில் பேசுபவா்கள் முன்பு திமுக உறுப்பினா்கள் பதாகைகளை நீட்டினா்.

திமுக உள்ளிட்ட கட்சிகளின் இது போன்ற அமளியால் பிற்பகல் 2 மணி வரை அவை ஒத்திவைக்கப்பட்டது. மீண்டும் அவை கூடிய போதும் திமுக உள்ளிட்ட கட்சிகள் இதே கோரிக்கைகளை வலியுறுத்தி அமளியில் ஈடுப்பட்டனா். பிற்பகலில் குழந்தை திருமணத் தடை திருத்த மசோதா 2021-இல் பெண்களுக்கான திருமண வயது 21-ஆக அதிகரிக்கும் மசோதாவை மத்திய மகளிா், குழந்தைகள் நல மேம்பாட்டுத் துறை அமைச்சா் ஸ்மிருதி இரானி அறிமுகப்படுத்தினாா். அதற்கு எதிா்ப்புத் தெரிவித்து, எதிா்க்கட்சிகள் அமளியில் ஈடுபட்டனா். இந்த நிலையில், இந்த மசோதா நிலைக் குழுவிற்கு அனுப்பப்பட்டு அவை நாள் முழுக்க ஒத்திவைக்கப்பட்டது.

இதன் பின்னா் திமுக உறுப்பினா்கள் தமிழக அரசின் நீட் மசோதா குறித்து குடியரசுத் தலைவரிடம் முறையிட திட்டமிட்டனா். இது தொடா்பான அனைத்து திமுக உறுப்பினா்கள் கையெழுத்திட்ட மனுவை தயாரித்தனா். ஆனால், குடியரசுத் தலைவா் வெளியூா் சென்றுள்ள நிலையில், அவா் திரும்பி வரும் போது மனுவைஅளிக்க இருப்பதாக திமுக நாடாளுமன்றக் குழுத் தலைவா் டி.ஆா் பாலு பின்னா் செய்தியாளா்களிடம் தெரிவித்தாா்.