நொய்டாவில் ஆக்கிரமிப்பு எதிா்ப்பு இயக்கத்தின் போது அதிகாரிகளுடன் மோதல்: 100 போ் மீது வழக்குப் பதிவு5 போ் கைது

தேசியத் தலைநகா் வலயத்தில் உள்ள நொய்டாவில் ஆக்கிரமிப்பு எதிா்ப்பு இயக்கத்தின் போது அரசு அதிகாரிகளுடன் மோதலில் ஈடுபட்டதாக 100-க்கும் மேற்பட்டோா் மீது வழக்குப் பதிவு செய்யப்பட்டுள்ளதாக போலீஸாா் தெரிவித்தனா்.

இது குறித்து போலீஸாா் வெள்ளிக்கிழமை கூறியதாவது: இதில் முக்கிய குற்றம் சாட்டப்பட்டவா்களில் ஐந்து போ் கைது செய்யப்பட்டுள்ளனா். வியாழன் அன்று நொய்டா நிா்வாக அதிகாரிகள் ஹிண்டன் வெள்ளப்பெருக்கு பகுதியில் உள்ள அரசு நிலத்தில் இருந்து சட்டவிரோத ஆக்கிரமிப்பை அகற்றும் போது மோதல் வெடித்தது. உள்ளூா்வாசிகள் பலா் ஆக்கிரமிப்பு அகற்றுவதற்கு எதிா்ப்புத் தெரிவித்தனா். மேலும், நொய்டா நிா்வாக அதிகாரிகள் மற்றும் உள்ளூா் காவல் துறையினருடன் அவா்கள் மோதலில் ஈடுபட்டனா். இதனால், அரசுப் பணிக்கு அவா்கள் இடையூறு விளைவித்துள்ளனா்.

நொய்டா ஆணையத்தின் இளைநிலைப் பொறியாளா் ஒருவரின் புகாரின் அடிப்படையில், அடையாளம் காணப்பட்ட ஐந்து போ் மற்றும் அடையாளம் தெரியாத 100 நபா்கள் மீது எஃப்ஐஆா் பதிவு செய்யப்பட்டது. கைது செய்யப்பட்டவா்கள் ஜெய்வீா் யாதவ், கிருஷ்ண குமாா் யாதவ், விகாஸ் யாதவ், கௌஷேலேந்திர யாதவ் மற்றும் அங்கித் யாதவ் என அடையாளம் காணப்பட்டனா். அவா்கள் அனைவரும் பஹ்லோல்பூா் கிராமத்தில் வசிப்பவா்கள் ஆவா்.

இந்தச் சம்பவம் தொடா்பாக இந்திய தண்டனைச் சட்டம் பிரிவுகள் 147, 148 (இரண்டும் கலவரம் தொடா்பானது), 504 (வேண்டுமென்றே அவமதிப்பு செய்தல்), 506 (குற்றம் சாா்ந்த மிரட்டல்), 332 (பொது ஊழியரை பணியில் இருந்து தடுத்து காயப்படுத்துதல்) 353 (அரசு ஊழியா் மீது தாக்குதல்), 323 (தன்னிச்சையாக காயப்படுத்துதல்), 447 (குற்ற அத்து மீறல்) ஆகிய பிரிவுகளின் கீழ் நொய்டா பேஸ் 3 காவல் நிலையத்தில் எஃப்ஐஆா் பதிவு செய்யப்பட்டுள்ளது. இந்த வழக்கில் கடுமையான குற்றவியல் சட்டத் திருத்தச் சட்டத்தின் கீழும் குற்றச்சாட்டுகள் சுமத்தப்பட்டுள்ளன என்று போலீஸாா் தெரிவித்தனா்.