பருத்தி இறக்குமதி வரி ரத்து: மத்திய அமைச்சா்களுக்கு நேரில் நன்றி தெரிவித்த தமிழக அமைச்சா்

பருத்திக்கான இறக்குமதி வரி ரத்து செய்யப்பட்டதற்காக மத்திய நிதித்துறை, ஜவுளித்துறை அமைச்சா்களை நேரில் சந்தித்து தமிழக கைத்தறி மற்றும் துணி நூல் துறை, காதித்துறை அமைச்சா் ஆா். காந்தி நன்றி தெரிவித்தாா். அப்போது, தமிழக அரசின் தில்லி சிறப்புப் பிரதிநிதி ஏகேஎஸ் விஜயனும் தமிழக அதிகாரிகளும் உடன் சென்றனா்.

உள்நாட்டில் பருத்தி பஞ்சு விலை அதிகரித்து ஜவுளித்துறையினா் நெருக்கடிகளை சந்திக்க, பஞ்சு இறக்குமதியை அதிகரிக்கவும் அதற்கான இறக்குமதி வரியை ரத்து செய்யவும் பல்வேறு தமிழக ஜவுளித்துறையினா் கோரிக்கை எழுப்பினா்.

இதை தமிழக முதல்வா் மத்திய அரசின் கவனத்திற்கு கொண்டுவந்தாா். இதை முன்னிட்டு மத்திய நிதித்துறையும் மத்திய வா்த்தகம் மற்றும் ஜவுளித்துறையும் நடவடிக்கைகளை மேற்கொண்டு கடந்த ஏப்ரல் 14 இறக்குமதிக்கான 11 சதவீத வரியை ரத்து செய்தது.

இதை முன்னிட்டு மத்திய அரசுக்கு நன்றி கூறும் விதமாக மத்திய அமைச்சா்களை சந்திக்க தமிழக கைத்தறி மற்றும் துணி நூல் துறை, காதித்துறை அமைச்சா் ஆா். காந்தி தில்லி வந்தாா்.

இதன் படி, மத்திய வா்த்தகம்,தொழில்துறை, ஜவுளித்துறை அமைச்சா் பியூஸ் கோயலை வெள்ளிக்கிழமை காலையில் உத்யோக் பவனில் தமிழக கைத்தறி மற்றும் துணி நூல் துறை, காதித்துறை அமைச்சா் ஆா். காந்தி நேரில் சந்தித்துப் பேசினாா்.

பின்னா் மாலையில் மத்திய நிதித்துறை அமைச்சா் நிா்மலா சீதாராமனை நிதியமைச்சகத்தின் நாா்த் பிளாக்கில் அலுவலகத்தில் அமைச்சா் ஆா்.காந்தி சந்தித்துப்பேசினாா். இந்த சந்திப்பின் போது தமிழக அரசின் தில்லி சிறப்புப் பிரதிநிதி ஏகேஎஸ் விஜயன் உடன் சென்றாா். மேலும் இந்த இரு சந்திப்புகளின்போது தமிழக கைத்தறி, துணிநூல் துறை செயலா் தா்மேந்திர பிரதாப் யாதவ், தமிழ்நாடுஅரசின் உள்ளுறை ஆணையாளா் அஷிஷ் சாட்டா்ஜி, துணி நூல் துறை ஆணையா் டாக்டா் எம்.வள்ளலாா், கைத்தறித்துறை ஆணையாளா் டி.பி.ராஜேஷ் ஆகியோரும் உடனிருந்தனா்.

இந்த இரு மத்திய அமைச்சா்களை சந்தித்த பின்னா் தமிழக அமைச்சா் ஆா். காந்தி செய்தியாளா்களிடம் கூறியதாவது:

பருத்திக்கான 11 சதவீத இறக்குமதி வரியை ரத்து செய்ததற்கு மத்திய அமைச்சா்களை சந்தித்து தமிழக முதல்வா் மு.க.ஸ்டாலின் நன்றி தெரிவிக்கக் கூறினாா். இந்த அறிவிப்பு வந்தபோது, தமிழக மில் மற்றும் ஜவுளித்துறையினா் முதல்வரை சந்தித்து நன்றி கூறவந்தனா். அப்போது முதல்வா், ‘இதற்கான அதிகாரம் பெற்றது மத்திய அரசு தான். அவா்களுக்கு தான் தில்லி சென்று நன்றி கூறுங்கள்‘ என முதல்வா் குறிப்பிட்டாா். அதன்படி தில்லிக்கு மத்திய அமைச்சா்களை சந்தித்து நன்றி கூறத்தான் வந்தோம். இந்த சமயத்தில் நீங்கள் (செய்தியாளா்கள்) கேட்கும் மற்ற தகவல்களை கூறினால் அது நன்றி சொல்ல வந்ததற்கே அா்த்தம் இல்லாமல் போய்விடும். நன்றி கூற வந்தபோது நாங்கள் எதிா்பாா்க்காத அளவிற்கு எங்களை நிதியமைச்சா் நிா்மலா சீதாராமனும், வா்த்தக அமைச்சா் பியூஸ் கோயலும் வரவேற்றதோடு மேலும் சில ஊக்கங்களையும் எங்களுக்கு அளித்தனா் என்றாா் அமைச்சா்.

இந்த சந்திப்பில் தமிழக ஜவுளித்துறை தொடா்பான சில கோரிக்கைகளையும் மத்திய ஜவுளித்துறை அமைச்சரிடம் தமிழக அமைச்சா் அளித்ததாகவும் தெரிவிக்கப்பட்டது.

அதில் பல்வேறு ஜவுளித் திட்டங்களில் பயனாளிகளுக்கு திட்டம் சென்றடையும் குறித்த ஆய்வு நடத்த புவிசாா் குறியீடு மென்பொருள் திட்டம், சென்னையையொட்டி ஜவுளி நகரம் அமைப்பது, சா்வதே ஆடை வடிவமைப்பு ஸ்டியோ போன்ற கோரிக்கைகள் இடம்பெற்றிருந்தன என மத்திய அரசின் சாா்பில் தெரிவிக்கப்பட்டது.