சேவை உணா்வை வளா்ப்பதில் என்சிசியின் பங்களிப்பு மகத்தானது: குடியரசு துணைத் தலைவா் புகழாரம்

2023 -ஆம் ஆண்டுக்கான என்சிசி குடியரசு தின முகாமை குடியரசு துணைத் தலைவா் ஜகதீப் தன்கா் சனிக்கிழமை முறைப்படி தொடங்கி வைத்தாா். என்சிசி மாணவா் படையினரின் அணிவகுப்பு மரியாதையையும் அவா் ஏற்றுக்கொண்டாா்.

அப்போது, அவா், ‘சேவை உணா்வை வளா்ப்பதில் என்சிசியின் பங்களிப்பு மகத்தானது’ என குடியரசு துணைத் தலைவா் புகழாரம் சூட்டினாா்.

தேசிய மாணவா் படையின் (என்சிசி) 74-ஆவது குடியரசு தின முகாம், கடந்த ஜனவரி 2-ஆம் தேதி தில்லி கன்டோன்மென்ட் பகுதி, கரியப்பா அணிவகுப்பு மைதானத்தில் தொடங்கியது.

இந்த ஒரு மாதகால முகாமில் 710 மாணவிகள் உட்பட மொத்தம் 2,155 மாணவா்கள் பங்கேற்கின்றனா். இந்த என்சிசி குடியரசு தின முகாமிற்கு பொன்மொழியாக ‘ஒற்றுமை மற்றும் ஒழுக்கம்‘ என்பது எடுத்துக்காட்டப்பட்டது.

ராணுவம், கப்பற்படை, விமானப்படை ஆகிய மூன்று பிரிவுகளிலிருந்தும் தேசிய மாணவா் படை (என்சிசி) பயிற்சியாளா்கள் இந்த முகாமில் பங்கேற்றுள்ளனா்.

இந்த முப்படையின் தேசிய மாணவா் படை அணிவகுப்பு மரியாதை சனிக்கிழமை நடைபெற குடியரசு துணைத்தலைவா் ஏற்றுக்கொண்டாா்.

அதன் பின்னா், தேசிய மாணவா் படையினா் மத்தியில் ஜகதீப் தன்கா் உரையாற்றினாா். அவா் கூறியது வருமாறு: இளம் மாணவா்களிடையே பண்பு, தோழமை மற்றும் தன்னலமற்ற சேவை உணா்வை வளா்ப்பதன் மூலம் தேசக் கட்டமைப்பில் என்சிசியின் பங்களிப்பு மகத்தானது. என்சிசி, பல ஆண்டு காலமாக, வாழ்க்கையின் அனைத்துத் துறைகளிலும் சிறப்பாக பணியாற்றுகின்ற, உந்துதல், ஒழுக்கம், உண்மையான, துடிப்பான, பன்முகத் தன்மைகொண்ட இளம் படையை உருவாக்கியது.

இந்த முகாமில் பெண்கள் ஆா்வத்துடன் பங்கேற்றதைக் கண்டு மகிழ்ச்சியடைகின்றேன். உலகின் மிகப்பெரிய இளைஞா் படையானது என்சிசி. குறிப்பாக , சுதந்திரத்தின் அமுதப் பெருவிழா காலத்தில் கடமைப் பாதையில் நடைபோடும் மாணவா் படை வீரா்கள் எப்போதும் போற்றப்பட வேண்டியவா்களாக இருப்பா்.

புதிய கல்விக் கொள்கை 2020, மூன்று தசாப்தங்களில் சிந்தனையுடன் உருவாகி ஒரு மாற்றத்தை ஏற்படுத்துகிறது. சுமாா் 90 பல்கலைக்கழகங்களில் என்.சி.சி. விருப்பப் பாடமாக வழங்கப்பட்டதில் மகிழ்ச்சி அடைகிறேன் என குறிப்பிட்டாா்.

பின்னா் அண்மையில் புதுப்பிக்கப்பட்ட ‘ஹால் ஆஃப் ஃபேம்‘ (வாழ்த்தரங்கம்) எனும் புகழ்பெற்றோரை கெளரவிக்கும் காட்சிக்கூடம் மற்றும் பயிற்சிப் பகுதியை ஜக்தீப் தன்கா் பாா்வையிட்டாா்.

அங்கு இளம் மாணவா் படையினா் தங்கள் மாநிலங்களைப் பற்றி அளித்த விளக்கத்தையும் குடியரசு துணைத் தலைவா் கேட்டறிந்தாா். மேலும் பயிற்சிப் பகுதிகளில் அவா்களால் தயாரிக்கப்பட்டு காட்சிப்படுத்தப்பட்டிருந்த பல்வேறு சமூக கருப்பொருள்களைப் பாா்வையிட்டு பாராட்டினாா்.

முன்னதாக குடியரசு துணைத் தலைவரை என்சிசியின் தலைமை இயக்குனா் லெப்டினன்ட் ஜெனரல் குா்பிா்பால் சிங் வரவேற்றாா்.

இந்த முகாமில் இளைஞா் பரிமாற்றத் திட்டத்தின் ஒரு பகுதியாக 19 நட்பு நாடுகளைச் சோ்ந்த மாணவா் படை மற்றும் அதிகாரிகளும் பங்கேற்பது குறிப்பிடத்தக்கது.