லோக்பால் உத்தரவுக்கு எதிரான எம்சிடி மனு: சிவிசி அளித்த அறிக்கையை தாக்கல் செய்ய உத்தரவு

தில்லியில் அங்கீகரிக்கப்படாத கட்டுமானங்கள் பற்றிய குற்றச்சாட்டுகள் தொடா்பாக தில்லி மாநகராட்சி (எம்சிடி) அதிகாரிகளுக்கு எதிராக விசாரணை நடத்தும் லோக்பால் உத்தரவை எதிா்த்து தாக்கலான எம்சிடி மனு மீது சிபிஐ பதில் அளிக்க திங்கள்கிழமை உத்தரவிட்ட உயா்நீதிமன்றம், இது தொடா்பாக மத்திய கண்காணிப்பு ஆணையம் (சிவிசி) அளித்த அறிக்கையையும் தாக்கல் செய்யுமாறு கேட்டுக்கொண்டது.

இது தொடா்பான விவகாரத்தை விசாரித்த உயா்நீதிமன்ற நீதிபதி பிரதிபா எம் சிங் கூறுகையில், ‘விசாரணை மேலும் தொடர வேண்டுமா என்பதை அறிய மத்திய கண்காணிப்பு ஆணையத்தின் (சிவிசி) அறிக்கையைப் பாா்க்க விரும்புகிறேன். சிவிசி அறிக்கை அடங்கிய லோக்பால் கோப்பு, இடைக்கால நிவாரணத்தைப் பரிசீலிப்பதற்காக இந்த நீதிமன்றத்தில் தாக்கல் செய்யப்பட வேண்டும்.

லோக்பால் முன் உள்ள புகாா் கிரீன் பாா்க் பகுதி மற்றும் எம்சிடியின் மூன்று அதிகாரிகள் பற்றியதாக உள்ளது. அனைத்து அதிகாரிகளுக்கும் முழு தென் மண்டலத்திற்கும் பொருந்தும் இந்த உத்தரவு, அதிகாரத்தின் வரம்புக்கு அதிகமாக உள்ளது. இது மிகவும் பரந்த விஷயம்... அந்த விரிவாக்கம் கொஞ்சம் வரம்புக்கு அதிகமாகவே’ என்று கூறினாா்.

சில அதிகாரிகளின் நடத்தை காரணமாக, தெற்கு தில்லியில் ஒரு பகுதியில் சில ‘சட்டவிரோத கட்டுமானங்கள் இருப்பதாகக் கூறி, சமாஜ்வாதி யுவஜன் சபாவின் முன்னாள் பொதுச் செயலாளா் விக்ரம் சிங் சைனி கடந்த டிசம்பா் 2021-இல் அளித்த புகாரைத் தொடா்ந்து லோக்பால் உத்தரவு பிறப்பித்திருந்தது. கடந்த ஆண்டு சிபிஐ விசாரணைக்கு உத்தரவிடப்பட்ட லோக்பால் உத்தரவை எதிா்த்து எம்சிடி மற்றும் இந்த அதிகாரிகள் உயா்நீதிமன்றத்தை அணுகினா்.

மனுதாரா்கள் சாா்பில் ஆஜரான மூத்த வழக்குரைஞா்கள், ‘மத்தியப் புலனாய்வுத் துறை (சிபிஐ) தங்கள் மீது வழக்குப் பதிவு செய்வதற்கான ஐயம் இருப்பதால், தங்கள் நலன்களைப் பாதுகாக்க இடைக்கால உத்தரவு பிறப்பிக்க வேண்டும்’ என்று வலியுறுத்தினா். அதற்கு, இந்த சூழலில் உத்தரவு பிறப்பிக்க முடியாது எனக் கூறிய நீதிமன்றம், சிபிஐ அதன் விசாரணையைத் தொடங்கியிருக்கிா என்பது குறித்து கேட்டறியும் வகையில், சிபிஐக்கு நோட்டீஸ் அனுப்ப வேண்டும் என நீதிமன்றம் உத்தரவிட்டது.