‘நேதாஜியின் சிப்பி ஓடு ஓவியம், புத்தா் சிலை’ ஏலமிடப்படும் குடியரசுத் தலைவா்களின் 250 பரிசுப் பொருள்கள்

குடியரசுத் தலைவா் திரெளபதி முா்மு மற்றும் முன்னாள் குடியரசுத் தலைவா்களுக்கு வழங்கப்பட்ட பரிசுப் பொருள்களில் தோ்ந்தெடுக்கப்பட்ட 250 பொருள்கள் திங்கள்கிழமை முதல் இணைய வழி ஏலத்துக்கு வைக்கப்பட்டுள்ளன.

விருப்பமுள்ள நபா்கள் குடியரசுத் தலைவரால் அண்மையில் அறிமுகம் செய்யப்பட்டவலைதளம் மூலம் தெரிவு செய்யும் பரிசுப் பொருள்களுக்கு விலைப் புள்ளிகளை குறிப்பிடலாம் எனத் தெரிவிக்கப்பட்டுள்ளது.

இதில், சிப்பி ஓடுகளைக் கொண்டு வரையப்பட்ட நேதாஜி சுபாஸ் சந்திர போஸ் ஓவியம், புத்தா் சிலை உள்ளிட்ட பல்வேறு அரிய அழகிய பரிசுப் பொருள்கள் இடம்பெற்றுள்ளன.

தனது அடையாளமான ராணுவ சீருடையில் நேதாஜி இருப்பதுபோன்ற தீட்டப்பட்டுள்ள நோ்த்தியான சட்டத்துடன் கூடிய ஓவியம், 14.15 கிலோ எடை உடையது. இதை ஏலம் எடுப்பதற்கான அடிப்படை விலை ரூ. 4,02,500-ஆக நிா்ணயம் செய்யப்பட்டுள்ளது.

அடுத்து, மரத்துக்கு அடியில் புத்தா் அமா்ந்திருப்பது போன்ற கண்ணைக் கவரும் வண்ணத்தில் வடிவமைக்கப்பட்ட சிலை ஏலத்துக்கு வைக்கப்பட்டுள்ளது. இதன் அடிப்படை விலை ரூ. 82,500-ஆக நிா்ணயிக்கப்பட்டுள்ளது.

முன்னாள் குடியரசுத் தலைவா் பிரணாப் முகா்ஜிக்கு வழங்கப்பட்ட நோ்த்தியான கோப்பை ஒன்றும் ஏலத்துக்கு வைக்கப்பட்டுள்ளது. இதன் ஆரம்ப விலை ரூ. 2,700-ஆக நிா்ணயிக்கப்பட்டுள்ளது.

அதுபோல, முன்னாள் குடியரசுத் தலைவா் அப்துல் கலாமுக்கு வழங்கப்பட்ட முன்னாள் பிரதமா் லால் பகதூா் சாஸ்த்ரியின் மாா்பளவு சிலையும் (அடிப்படை விலை ரூ. 3,100) ஏலத்தில் உள்ளது.

வரும் 26-ஆம் தேதி வரை இந்த இணைய வழி ஏலம் நடைபெறும். ஏலம் நிறைவடைந்ததும், அதிக விலைக்கு ஏலம் எடுத்தவா்களுக்கு அந்தந்தப் பரிசுப் பொருள்கள் அனுப்பிவைக்கப்படும் என்று தெரிவிக்கப்பட்டுள்ளது.