ஆம் ஆத்மி எம்எல்ஏக்களிடம் பேரம் குறித்த குற்றச்சாட்டு: கேஜரிவாலுக்கு நோட்டீஸ்

ஆம் ஆத்மி கட்சியின் ஏழு எம்.எல்.ஏ.க்களை பாஜக பேரம் பேச முயன்ாக முதல்வா் கேஜரிவால் குற்றம்சாட்டியிருந்த நிலையில் இது தொடா்பாக விசாரணை நடத்துவதற்காக அவருக்கு தில்லி காவல் துறையின் குற்றப்பிரிவு போலீஸாா் குழு சனிக்கிழமை ஐந்து மணி நேரப் பரபரப்புக்கு பிறகு நோட்டீஸை அளித்தனா். அதில், இது தொடா்பாக மூன்று நாள்களில் பதில் அளிக்குமாறு கேட்டுக்கொள்ளப்பட்டுள்ளது.

இதுகுறித்து தில்லி காவல் துறை அதிகாரி ஒருவா் கூறுகையில், நாங்கள் அவருக்கு (கேஜரிவாலுக்கு) நோட்டீஸ் அளித்துள்ளோம். அவா் எழுத்து வடிவில் மூன்று நாட்களில் பதில் அளிக்கலாம்‘ என்றாா்.

பாஜகவால் அணுகப்பட்டதாகக் கூறப்படும் ஆம் ஆத்மி எம்எல்ஏக்களின் பெயா்களை வெளியிடுமாறும் கேஜரிவாலிடம் குற்றப் பிரிவு கேட்டுக்கொண்டுள்ளது.

முன்னதாக, இந்த விவகாரம் தொடா்பாக ஒரு நோட்டீஸை அளிக்க சிவில் லைன்ஸில் உள்ள முதல்வா் இல்லத்திற்கு குற்றப் பிரிவு போலீஸாா் சனிக்கிழமை மீண்டும் வந்ததால் பரபரப்பு ஏற்பட்டது.

குற்றப் பிரிவுக் குழுவினா் முதலமைச்சரின் வீட்டிற்கு வெள்ளிக்கிழமை நோட்டீஸை அளிக்க சென்றபோது அவரது வீட்டில் இருந்தவா்கள் நோட்டீஸைப் பெற மறுத்துவிட்டதாக தகவலறிந்த வட்டாரங்கள் கூறிய நிலையில், மறுநாளான சனிக்கிழமை இக்குழு மீண்டும் சென்றது. இறுதியில் முதல்வா் இல்லத்தில் இருந்த அதிகாரிகளிடம் அந்த நோட்டீஸ் அளிக்கப்பட்டதாக தகவலறிந்த போலீஸ் வட்டாரங்கள் தெரிவித்தன.

உதவி காவல் ஆணையா் (ஏசிபி) அந்தஸ்து அளவிலான அதிகாரி தலைமையிலான போலீஸ் குழு, நோட்டீஸ் கேஜரிவாலின் பெயரில் இருப்பதால் அவரிடம் மட்டுமே நேரில் ஒப்படைக்க வேண்டும் என்று வலியுறுத்தியது.

அதே நேரத்தில் முதல்வா் இல்லத்தில் உள்ள அதிகாரிகள் நோட்டீஸை பெறத் தயாராக இருப்பதாக தெரிவித்தனா்.

கேஜரிவாலிடம் தனிப்பட்ட முறையில் நோட்டீஸை வழங்க வலியுறுத்திய சட்டப் பிரிவு குறித்து குற்றப் பிரிவு அதிகாரியிடம் முதல்வா் இல்ல வளாகத்திற்கு வெளியே இருந்த ஆம் ஆத்மி கட்சித் தலைவா் ஜாஸ்மின் ஷா விளக்கம் கேட்க முயன்றாா்.

இது தொடா்பாக அவா் தனது எக்ஸ் சமூக ஊடகத்தளப்

பக்கத்தில் விடியோவுடன் வெளியிட்ட இடுகையில் தெரிவிக்கையில், ‘‘முதல்வா் அரவிந்த் கேஜரிவாலின் வீட்டு வாசல் முன்பு நின்றிருந்த தில்லி போலீஸ் அதிகாரியிடம் நான் ஒரு எளிய கேள்வி கேட்டேன்.

எந்த சட்டத்தின் கீழ் அவா் முதல்வரிடம் தனிப்பட்ட முறையில் நோட்டீஸை கொடுக்க வலியுறுத்துகிறாா்? அதற்கு அவரிடம் பதில் இல்லை. இங்கே நாடகம் நடத்த மட்டுமே வந்திருப்பது தெளிவாகத் தெரிகிறது’’என்று அதில் தெரிவித்துள்ளாா்.

தில்லி கேபினட் அமைச்சா் செளரவ் பரத்வாஜ் கூறுகையில், ‘காவல்துறை வேண்டுமென்றே நோட்டீஸை முதல்வா் அலுவலகத்திற்கு வழங்கவில்லை’ என்று கூறினாா்.

இது தொடா்பாக அவா் எக்ஸ் சமூக ஊடகத்தளத்தில் வெளியிட்ட இடுகையில் தெரிவிக்கையில், ‘‘இது மோடி அரசுக்கு மிகவும் தா்மசங்கடமாக உள்ளது. இன்று பாஜக முழுவதுமாக அம்பலமாகியுள்ளது. நேற்று, முதல்வா் அலுவலகம் போலீஸ் நோட்டீஸை பெறவில்லை என அனைத்து பாஜக செய்தித் தொடா்பாளா்களும் குற்றம் சாட்டினா். இன்று, அவா்கள் அம்பலமாகியுள்ளனா். போலீஸ் ஏசிபி வேண்டுமென்றே முதல்வா் அலுவலகத்திடம் நோட்டீஸ் வழங்கவில்லை’’ என்று அதில் அவா் தெரிவித்துள்ளாா்.

மற்றொரு ஆம் ஆத்மி கட்சியின் தலைவரான சந்தீப் பதக் கூறுகையில், ‘‘அனைத்து அதிகாரிகளும் தாங்கள் எவ்வளவு அழுத்தத்தை எதிா்கொண்டாலும் (மத்தியிலிருந்து) ‘முடியாது’ என்று சொல்லக் கற்றுக் கொள்ள வேண்டும்’’ என்றாா்.

முதலமைச்சரின் புகழுக்கு களங்கம் விளைவிப்பதற்காக காவல்துறை ஊடகங்களை அழைத்து வந்ததாக ஆம் ஆத்மி கட்சி வட்டாரங்கள் கூறின.

கடந்த வாரம், கட்சியில் இருந்து வெளியேறவும், கேஜரிவால் அரசைக் கவிழ்க்கவும் தனது எம்.எல்.ஏ.க்கள் 7 பேருக்கு தலா 25 கோடி ரூபாய் வழங்க பாஜக முன்வந்ததாக ஆம் ஆத்மி கட்சி குற்றம் சாட்டி இருந்தது. முதல்வா் கேஜரிவால் ‘எக்ஸ்’ ஊடகத்தளத்தில் வெளியிட்ட இடுகையில் குற்றம்சாட்டியிருந்தாா்.

கடந்த வாரம் தில்லியில் நடந்த செய்தியாளா் சந்திப்பில், தில்லியில் பாஜக “‘ஆபரேஷன் தாமரை 2.0’ஐத் தொடங்கியுள்ளதாக அதிஷி குற்றம் சாட்டியிருந்தாா்.

இக்குற்றச்சாட்டுகள் முன்வைக்கப்பட்டதைத் தொடா்ந்து, பாஜக தலைவா் வீரேந்தா் சச்தேவா தலைமையிலான தில்லி பாஜக பிரதிநிதிகள் ஜனவரி 30-ஆம் தேதி மாநகர காவல்துறை ஆணையா் சஞ்சய் அரோராவைச் சந்தித்து, இந்த விவகாரம் குறித்து விசாரணை நடத்துமாறு கேட்டுக்கொண்டனா்.

இதுகுறித்து சச்தேவா கூறுகையில், குற்றச்சாட்டுகளை நிரூபிக்குமாறு கேஜரிவால் கேட்டுக் கொள்ளப்பட்டாா். ஆனால், ஆம் ஆத்மி கட்சியில் இருந்து யாரும் எந்த ஆதாரத்தையும் முன்வைக்கவில்லை என்று தெரிவித்திருந்தாா்.

தில்லி அமைச்சா் அதிஷியின் வீட்டிற்கு குற்றப்பிரிவு குழு வெள்ளிக்கிழமை சென்றது. ஆனால் அவா் அங்கு இல்லாததால் நோட்டீஸை வழங்க முடியவில்லை.