யுஏபிஏ வழக்கில் தேடப்பட்ட நபா் தில்லியில் கைது

மணிப்பூரில் சட்டவிரோத செயல்பாடுகளில் தடுப்பு சட்டத்தின் (யுஏபிஏ) கீழ் பதிவு செய்யப்பட்ட இரு வழக்குகளில் தேடப்பட்டு வந்த மக்கள் விடுதலை ராணுவத்தின் (பிஎல்ஏ) உறுப்பினா் என்று சந்தேகிக்கப்படும் 35 வயது நபரை தில்லி காவல் துறை கைது செய்ததாக அதிகாரிகள் வெள்ளிக்கிழமை தெரிவித்தனா்.

கைது செய்யப்பட்டவா் மணிப்பூரின் தாங்மெய்பண்ட் லோருங்குரெல் லெய்காய் பகுதியைச் சோ்ந்த ஆா்.கே. ரீகன் சிங் (எ) காந்தி என்று அடையாளம் காணப்பட்டுள்ளாா். தொழில்நுட்ப கண்காணிப்பு, சிசிடிவி காட்சிகளை ஆய்வு செய்தல் மற்றும் உள்ளூா் உளவுத் தகவல்களைச் சேகரித்தல் போன்ற தொடா் நடவடிக்கைகளுக்குப் பிறகு, தெற்கு தில்லியின் யூசுப் சராய் பகுதியில் அவா் கைது செய்யப்பட்டாா்.

இது குறித்து தில்லி குற்றப்பிரிவு காவல் துணை ஆணையா் ஹா்ஷ் இந்தோரா வெளியிட்ட செய்திக்குறிப்பில், ‘மேலதிக விசாரணை மற்றும் சட்ட நடவடிக்கைகளுக்காக, தில்லி குற்றப் பிரிவு காவல் துறையினா் அவரை மணிப்பூா் காவல் துறையினரிடம் ஒப்படைத்தனா்’ என்று தெரிவிக்கப்பட்டுள்ளது.

காவல் துறையின் தகவல்படி, தடைசெய்யப்பட்ட பிஎல்ஏ அமைப்பைச் சோ்ந்த தேடப்படும் நபா் ஒருவா் தில்லியில் இருப்பதாக செப்.3-ஆம் தேதி காவல் துறை அதிகாரிக்கு ரகசியத் தகவல் கிடைத்தது. அந்த அதிகாரி தனது மேலதிகாரிகளுக்குத் தெரிவிக்க, அதனைத் தொடா்ந்து அவரைத் தேடிக் கண்டுபிடித்துக் கைது செய்ய ஒரு சிறப்புக் குழு அமைக்கப்பட்டது.

‘மணிப்பூரின் தௌபால் காவல் நிலையத்தில், யுஏபிஏ சட்டத்தின்கீழ் பதிவு செய்யப்பட்ட இரு வழக்குகளில் ரீகன் சிங் தேடப்பட்டு வந்தாா். அவா் தடைசெய்யப்பட்ட புரட்சிகர மக்கள் முன்னணியுடன் (பிஎல்ஏ) தொடா்புடையவா். சட்ட அமலாக்க அமைப்புகளிடம் சிக்காமல் தலைமறைவாக இருந்து வந்தாா் என்றும் கூறப்படுகிறது’ என்று அந்த அதிகாரி தெரிவித்தாா்.

விசாரணையின் போது மேற்கொள்ளப்பட்ட தொழில்நுட்ப கண்காணிப்பின் மூலம், அவா் புது தில்லியில் உள்ள எய்ம்ஸ் மருத்துவமனைக்கு அருகில் இருக்கலாம் என்று தெரியவந்தது. காவல் துறையினா் அங்கு சென்று விசாரித்தபோது, அந்தப் பெயரில் எந்த நோயாளியும் அங்கு அனுமதிக்கப்படவில்லை என்பது கண்டறியப்பட்டது.

இதனைத் தொடா்ந்து, யூசுப் சராய், சஃப்தா்ஜங் என்க்ளேவ் மற்றும் கிரீன் பாா்க் ஆகிய பகுதிகளில் உள்ள தங்கும் விடுதிகளில் காவல் துறை தீவிர விசாரணை மேற்கொண்டது. மேலும், அப்பகுதிகளில் இருந்த சிசிடிவி காட்சிகளையும் ஆய்வு செய்தனா்.

தேடப்படும் நபரின் புகைப்படம் ஆரம்பத்தில் கிடைக்காததால், அவரது அடையாளத்தை உறுதிப்படுத்துவதில் சிரமம் ஏற்பட்டது. இருப்பினும், தொடா் முயற்சிகளுக்குப் பிறகு, வடகிழக்கு மாநிலத்தைச் சோ்ந்தவா் என்று சந்தேகிக்கப்படும் நபா் ஒருவரை யூசுப் சராய் பகுதியில் வைத்து காவல் துறையினா் கைது செய்தனா்.

‘ஆரம்பகட்ட விசாரணையின் போது, அந்த நபா் தனது அடையாளத்தைப் பொய்யாகக் கூறி, எந்தவொரு தீவிரவாத அமைப்போடும் தனக்குத் தொடா்பில்லை என்று மறுத்தாா். பின்னா், அவரது புகைப்படம் மணிப்பூா் காவல் துறையினருக்கு அனுப்பி வைக்கப்பட்டது. அவா்கள், அவா் தேடப்பட்டு வந்த ரீகன் சிங் (எ) காந்திதான் என்பதை உறுதிப்படுத்தினா்’ என்று அந்த அதிகாரி தெரிவித்தாா்.

விசாரணையின் போது, தனது மாமா பிஎல்ஏ அமைப்பின் நிறுவன உறுப்பினா்களில் ஒருவா் என்றும், தானும் பிற்காலத்தில் அந்த அமைப்போடு தொடா்புடையவராக மாறினேன் என்றும் அவா் தெரிவித்தாா். அவா் தடைசெய்யப்பட்ட அந்த அமைப்பின் தீவிர உறுப்பினா் என்று காவல் துறையினா் கண்டறிந்தனா்.