சொத்து வரி உயர்வைக் கண்டித்து நாகர்கோவிலில் மார்க்சிஸ்ட் தர்னா

சொத்து வரி உயர்வைக் கண்டித்து மார்க்சிஸ்ட் கம்யூனிஸ்ட் கட்சி சார்பில், நாகர்கோவில்  கேசவன்புதூர் சந்திப்பில் தர்னா போராட்டம் புதன்கிழமை நடைபெற்றது.
மாநகராட்சி, நகராட்சி, பேரூராட்சிகளில் வீட்டு வரி,  சொத்துவரியை  தமிழக அரசு அண்மையில் உயர்த்தியது. இதைக் கண்டித்து நடைபெற்ற தர்னா போராட்டத்துக்கு, மார்க்சிஸ்ட் கிளைச் செயலர் எஸ்.மனோகரன் தலைமை வகித்தார். மாவட்டச் செயற்குழு உறுப்பினர் என்.உஷா பாசி தொடக்க உரையாற்றினார். வட்டாரச் செயலர் எஸ்.மிக்கேல், மாவட்டக்குழு உறுப்பினர் மலைவிளை பாசி ஆகியோர் விளக்கிப் பேசினர். மாவட்டச் செயற்குழு உறுப்பினர் என்.முருகேசன் நிறைவுரையாற்றினார். வட்டாரக்குழு உறுப்பினர் எஸ்.மணி உள்ளிட்ட பலர் கலந்துகொண்டனர்.