ரஃபேல் போர் விமான ஒப்பந்தம் ரத்து கோரி நாகர்கோவிலில் காங்கிரஸ் பேரணி, ஆர்ப்பாட்டம்

பிரான்ஸ் நாட்டிடம் இருந்து ரஃபேல் போர் விமானங்கள் வாங்குவதற்கு ஒப்பந்தம் செய்ததில் ஊழல் நடைபெற்றுள்ளதாகவும், அந்த ஒப்பந்தத்தை ரத்து செய்யக் கோரியும் நாகர்கோவிலில் காங்கிரஸ் கட்சியினர் ஆர்ப்பாட்டம், பேரணி நடத்தினர். 
 நாகர்கோவில் வேப்பமூடு சந்திப்பில் நடைபெற்ற பேரணிக்கு, குமரி கிழக்கு மாவட்ட காங்கிரஸ் தலைவர் வழக்குரைஞர் ராதாகிருஷ்ணன் தலைமை வகித்தார். பேரணி  நீதிமன்ற சாலை, டதி பள்ளி சந்திப்பு, வழியாக மாவட்டஆட்சியர் அலுவலகத்தை அடைந்தது. பின்னர் அங்கு  ஆர்ப்பாட்டம் நடைபெற்றது. 
ஆர்ப்பாட்டத்தில், அகில இந்திய காங்கிரஸ் கட்சியின் செயலரும், தமிழக காங்கிரஸ் பொறுப்பாளருமான சஞ்சய்தத் சிறப்புரையாற்றினார். இதில், மாநிலச் செயலர் அருள்பெத்தையா,  எம்எல்ஏக்கள் வசந்தகுமார், விஜயதரணி, பிரின்ஸ், ராஜேஷ்குமார்,   மகேஷ்லாசர், மாவட்ட மகளிர் காங்கிரஸ் தலைவி தங்கம் நடேசன்,  நாகர்கோவில் நகரத் தலைவர் அலெக்ஸ்,  வட்டாரத் தலைவர்கள் ஜெரால்டு கென்னடி, காலபெருமாள், ராஜஜெகன், செல்வராஜ் உள்பட திரளான காங்கிரஸார் கலந்து கொண்டனர்.