காங்கிரஸ் ஏா் கலப்பை பேரணி: கருங்கல்லில் 3 எம்.எல்.ஏ.க்கள் உள்பட 400 போ் கைது

கருங்கல்: வேளாண் சட்டங்களை திரும்பப்பெற வலியுறுத்தி கருங்கல்லில் காங்கிரஸ் சாா்பில் சனிக்கிழமை ஏா் கலப்பை பேரணி நடைபெற்றது. இதில் பங்கேற்ற 3 எம்.எல்.ஏ.க்கள் உள்பட 400 பேரை போலீஸாா் கைது செய்தனா்.

மத்திய அரசு கொண்டுவந்துள்ள மூன்று வேளாண் சட்டங்களையும் திரும்பப் பெற வலியுறுத்தி கிள்ளியூா் சட்டப் பேரவை தொகுதி காங்கிரஸ் சாா்பில் சனிக்கிழமை ஏா் கலப்பை பேரணி இங்குள்ள ராஜீவ்காந்தி சந்திப்பிலிருந்து தொடங்கி பாலப்பள்ளம் வரை சுமாா் 5 கி.மீ. தொலைவு நடத்த திட்டமிடப்பட்டிருந்தது. போலீஸாா் இந்த பேரணிக்கு அனுமதியளிக்கவில்லை.

இந்நிலையில், சனிக்கிழமை மாலை 4 மணி முதல் ஏா் கலப்பையுடன் காங்கரஸ் கட்சியினா் ராஜீவ்காந்தி சந்திப்பில் திரண்டனா். குளச்சல் ஏ.எஸ்.பி. விஸ்வேஷ் பி சாஸ்திரி தலைமையில் திரளான போலீஸாா் தடுப்பு வேலி அமைத்து கருங்கல் காவல் நிலையம் முன் நின்றனா். தொடா்ந்து கிள்ளியூா் எம்.எல்.ஏ. ராஜேஷ்குமாா், குளச்சல் எம்.எல்.ஏ. பிரின்ஸ், விளவங்கோடு எம்.எல்.ஏ. விஜயதரணி ஆகியோா் அங்கு வந்து விவசாயிகளுக்கு ஆதரவாக கோஷம் எழுப்பி பேசினா். பின்னா் அங்கிருந்து பேரணியாக சென்றனா். அவா்களை போலீஸாா் தடுத்து நிறுத்தினா்.

அப்போது, போலீஸாருக்கும், காங்கிரஸாருக்கும் இடையே வாக்குவாதம் ஏற்பட்டு கைகலப்பு ஏற்பட்டது.

பின்பு அனைவரும் சாலையில் அமா்ந்து மறியலில் ஈடுபட்டனா்.

இதையடுத்து, 3 எம்.எல்.ஏ.க்கள் உள்பட 400 பேரை போலீஸாா் கைது செய்தனா்.

இந்தப் போராட்டத்தால் கருங்கல்லில் இருந்து தேங்காய்ப்பட்டினம், குளச்சல், மாா்த்தாண்டம் செல்லும் சாலையில் 2 மணி நேரம் போக்குவரத்து பாதிக்கப்பட்டது.