நாகா்கோவிலில் தொழிலாளியின் வீட்டில் 20 பவுன் நகை திருட்டு

நாகா்கோவிலில் தொழிலாளியின் வீட்டை உடைத்து 20 பவுன் தங்க நகை, ரூ.5,000 ஆகியவற்றை திருடிச் சென்ற நபா்களை போலீஸாா் தேடி வருகின்றனா்.

நாகா்கோவில் கோட்டாறு ரகமத் காா்டன் பகுதியைச் சோ்ந்தவா் ஹமீதுபாதுஷா(45). இவா், நாகா்கோவிலில் உள்ள பேக்கரியில் பணியாற்றி வருகிறாா். திங்கள்கிழமை காலை ஹமீதுபாதுஷா வேலைக்கும், அவரது மனைவி மற்றும் குழந்தை உறவினா் வீட்டுக்கும் சென்று விட்டனா்.

இந்நிலையில், ஹமீதுபாதுஷா பணி முடித்து இரவு வீட்டுக்கு திரும்பியபோது, கதவு உடைக்கப்பட்டிருந்ததாம். மேலும், பீரோவிலிருந்த 20 பவுன் தங்க நகை மற்றும் ரூ.5 ஆயிரம் திருடப்பட்டிருந்தனவாம்.

இது குறித்து அவா் அளித்த புகாரின்பேரில், கோட்டாறு போலீஸாா் சம்பவ இடத்துக்குச் சென்று விசாரணை மேற்கொண்டனா். விரல் ரேகை நிபுணா்கள் வந்து தடயங்களை சேகரித்தனா். மேலும், 2 தனிப்படைகள் அமைக்கப்பட்டு, அப்பகுதியிலுள்ள சிசிடிவி கேமராவில் பதிவாகியுள்ள காட்சிகள் ஆய்வு செய்யப்பட்டு வருகிறது.