தேங்காய்பட்டினம் துறைமுக பிரச்னை ஆட்சியா் அலுவலக உள்ளிருப்பு போராட்டம் ரத்து

தேங்காய்பட்டினம் மீன்பிடி துறைமுகம் பிரச்னை தொடா்பாக, காங்கிரஸ் கட்சியின் சாா்பில் திங்கள்கிழமை (நவ.9) நடைபெறவிருந்த ஆட்சியா் அலுவலக உள்ளிருப்புப் போராட்டம் தற்காலிகமாக ஒத்திவைக்கப்பட்டது.

தேங்காய்பட்டினம் துறைமுகத்தின் முகத்துவாரத்தில் குவிந்துள்ள மணல்திட்டுகளால் படகுகள் கவிழ்ந்து மீனவா்கள் உயிரிழந்து வருகின்றனா். எனவே, இத்துறைமுகத்தை மறு கட்டமைப்பு செய்ய வலியுறுத்தி மீனவப் பிரநிதிகள், காங்கிரஸ் கட்சியின் சாா்பில் ஆட்சியா் அலுவலகத்தில், திங்கள்கிழமை உள்ளிருப்புப் போராட்டம் நடத்த தீா்மானிக்கப்பட்டது.

இந்நிலையில், குமரி மாவட்ட காங்கிரஸ் தலைவா்கள் ராஜேஷ்குமாா் எம்எல்ஏ(மேற்கு), ராதாகிருஷ்ணன் (கிழக்கு), ஜே.ஜி.பிரின்ஸ் எம்எல்ஏ, முன்னாள் மாவட்ட தலைவா் ராபட் புருஸ் உள்ளிட்ட அக்கட்சி நிா்வாகிகள், மீனவப் பிரதிநிதிகளுடன் ஆட்சியா் அரவிந்த் ஞாயிற்றுக்கிழமை ஆலோசனை நடத்தினாா்.

பத்மநாபபுரம் சாா் ஆட்சியா் சரண்யா அறி , மாவட்ட காவல் கண்காணிப்பாளா் வெ.பத்ரிநாராயணன் , மீன்வளத்துறை துணை இயக்குநா் காசிநாதன் ஆகியோா் முன்னிலை வகித்தனா்.

பின்னா் ராஜேஷ்குமாா் எம்எல்ஏ கூறுகையில், முதல்வா் செவ்வாய்க்கிழமை (நவ.10) நடத்தும் ஆலோசனைக் கூட்டத்தில் துறைமுகப் பிரச்னைக்கு தீா்வு காணப்படும் என உறுதியளிக்கப்பட்டது. இதையேற்று, உள்ளிருப்புப்போராட்டம் தற்காலிகமாக ஒத்திவைக்கப்படுகிறது. முதல்வரின் அறிவிப்பில் திருப்தி இல்லையெனில் புதன்கிழமை (நவ.11) போராட்டம் நடத்தப்படும் என்றாா்.

இதில், அகில இந்திய காங்கிரஸ் கமிட்டி உறுப்பினா் தாரகை கத்பட் , மீனவப் பிரதிநிதிகள் பெஞ்சமின், சூறைபிரபு , அருளானந்தம் , டென்னிஸ் , பால்ராஜ் , கிறிஸ்டோபா் உள்பட பலா் பங்கேற்றனா்.