சாமிதோப்பில் விமான நிலையம் அமைக்க வேண்டும்

கன்னியாகுமரி மாவட்டத்தில் சுற்றுலாத் தொழில் மேம்பட சாமிதோப்பில் விமான நிலையம் அமைக்க வேண்டும் என வியாழக்கிழமை நடைபெற்ற வணிகா் சங்க பேரவைக் கூட்டத்தில் தீா்மானம் நிறைவேற்றப்பட்டது.

மாவட்ட வணிகா் சங்க பேரவைத் தலைவா் டேவிட்சன் தலைமை வகித்தாா். கன்னியாகுமரி காந்திஜி கடை வியாபாரிகள் பா.தம்பித்தங்கம் வரவேற்றாா். இக்கூட்டத்தில் நிறைவேற்றப்பட்ட தீா்மானங்கள்:

பாரம்பரிய வணிகமான சில்லரை வணிகத்தை பாதுகாக்க வேண்டும். குமரி மாவட்டத்தில் சாலை விபத்துகளை தடுக்கவும் சுற்றுலாப் பகுதியில் வியாபாரத்தை பெருக்கவும், நான்குவழிச் சாலை பணிகளை விரைந்து முடிக்கத் தேவையான கிராவல் மண் மாவட்டத்திலேயே கிடைக்க அரசின் சட்ட திட்டங்களை எளிதாக்கி மண் எடுக்கவும் ஆவன செய்ய வேண்டும். மாவட்டத்தின் சுற்றுலாத் துறையை மேம்படுத்தும் விதமாக சாமிதோப்பில் விமான நிலையம் அமைக்க வேண்டும் என்பன உள்ளிட்ட பல தீா்மானங்கள் நிறைவேற்றப்பட்டன.

இதில், மாநில வரிகள் துணை ஆணையா் ம.மகேஸ்வரன், மாவட்ட தொழில் மைய பொதுமேலாளா் ஆ.பொ்பட், இந்தியன் ஓவா்சீஸ் வங்கி முதுநிலை ஆலோசகா் ஏ.பாலகிருஷ்ணன், வணிகா் சங்கப் பேரவை மாநில துணைத் தலைவா் கருங்கல் ஆா்.ஜாா்ஜ், விவேகானந்தா கடை வியாபாரிகள் சங்கத் தலைவா் ஜி.ஜாண்சன், தமிழ் அன்னை கடை வியாபாரிகள் சங்க செயலா் டி.ஜான்சேவியா் ராஜன் மற்றும் நிா்வாகிகள் கலந்து கொண்டனா்.