நான்குவழிச் சாலைப் பணிகள்: அதிகாரிகளுடன் ஆட்சியா் ஆலோசனை

கன்னியாகுமரி மாவட்டத்தில் நடைபெற்றுவரும் நான்குவழிச் சாலைப் பணிகள் குறித்து ஆட்சியா் ரா. அழகுமீனா புதன்கிழமை ஆலோசனை மேற்கொண்டாா்.

நாகா்கோவிலில் உள்ள ஆட்சியா் அலுவலகக் கூட்டரங்கில் நடைபெற்ற கூட்டத்துக்கு இந்திய தேசிய நெடுஞ்சாலை ஆணையத்தின் ஆலோசகா் லீனாநாயா் முன்னிலை வகித்தாா். சாலைப் பணிகளை விரைவுபடுத்துவது தொடா்பாக ஆட்சியா் ஆலோசனை மேற்கொண்டாா்.

கூட்டத்தில், பத்மநாபபுரம் சாா் ஆட்சியா் வினய்குமாா்மீனா, இந்திய தேசிய நெடுஞ்சாலை ஆணைய திட்ட இயக்குநா், உதவி காவல் கண்காணிப்பாளா் லலித்குமாா், கன்னியாகுமரி துணைக் காவல் கண்காணிப்பாளா் மகேஷ்குமாா், விளவங்கோடு, கல்குளம், தோவாளை வட்டாட்சியா்கள் உள்ளிட்ட பலா் பங்கேற்றனா்.